Селотејп

Екстремни преселувачи

2009-10-03T13:10:00.003+02:00

Никогаш не ги изнајмувајте овие момци ако сакате да ги преместите вашите скапоцени предмети.

[ 03-10-2009 ]

Олимписките игри 2016 година во Рио де Жанеиро

2009-10-02T21:22:00.001+02:00

Летните олимписки игри 2016 година ќе се одржат во Рио де Жанеиро, одлучија членовите на Меѓународниот олимписки комитет на седницата која денеска се одржа во Копенхаген.

Рио ја доби довербата на членовите на МОК пред Мадрид, Токио и Чикаго, кои му беа конкуренти. Најголемото изненадување се случи во првиот круг од гласањето, по кое од конкуренција испадна првиот фаворит, Чикаго.

За кандидатурата на американскиот град не помогна ниту претседателот на САД Барак Обама, кој присуствуваше на гласањето во Копенхаген.

Во вториот круг од трката испадна Токио, па во финалето останаа Рио де Жанеиро и Мадрид. Повеќемина од 95-те делегати на МОК, колку што гласаа, довербата му ја дадоа на бразилскиот град, па за прв пат во историјата Олимпиките игри 2016 година ќе се одржат во една јужноамериканска држава.

[ 02-10-2009 ]

Пад во вода од 20 метри на грб

2009-10-02T20:44:00.003+02:00

Ако имате прекин на крвните садови на вода, тогаш знаете дека сте направиле нешто лошо.

[ 02-10-2009 ]

Девојче ја ставило баба си на аукција

2009-10-01T18:13:00.001+02:00

Интернет страницата за онлајн аукција „eBay“ го повлече огласот на десет годишното девојче од Велика Британија, кое сакало да ја продаде својата баба.

Зои Пемблтон ја ставила својата 61-годишна баба на продажба, наведувајќи дека „повеќе не може да го поднесе нејзиното постојано приговарање, нејзините изливи на нежност и нејзината посветеност на решавањето крстозбори“.

Девојчето не назначило почетна цена, но и пристигнале 27 понуди, од кои највисоката изнесувала две илјади фунти, пред „eBay“ да го повлече огласот.

- Имаме строги правила кога станува збор за продавање луѓе, се наведува во соопштението на „eBay“, во кое се додава дека огласот не бил ставен со зла намера и оти бабата била запознаена со неговото постоење.

[ 01-10-2009 ]

Зелениот чај штити од рак на желудник

2009-10-01T18:02:00.002+02:00

Жените кои секојдневни пијат најмалку 5 филџани зелен чај во просек имаат за 20 отсто помал ризик да заболат од рак на желудник, сугерира последното јапонско истражување.

Експертите од токискиот Национален центар за рак, истакнуваат дека консумирањето зелен чај го нема истиот ефект кај мажите.

Новите наоди се темелат врз анализа на шест претходно спроведени истражувања во кои учествуваат 219.000 испитаници постари од 40 години. Учесниците во студијата се следени во период од седум до 11 години.

Научниците во стручниот магазин „Gut“ добиените наоди ги објаснуваат со влијанието на антиоксидансите во зелениот чај врз бактериите кои се поврзуваат со појавата на рак на желудникот.

[ 01-10-2009 ]

Новата песна на Џексон ќе излезе во октомври

2009-09-24T20:10:00.002+02:00

„This is it“, новата музичка нумера на Мајкл Џексон ќе биде објавена како сингл на 12 октомври, најавуваат од компанијата Sony Music Entertainment.

Песната во која како бек-вокали се појавуваат браќата на Мајкл, ќе биде дел од двојното CD во кое ќе има музика користена во филмот „This is it“.

Албумот ќе се појави на 26 октомври. На првиот диск ќе се најдат двете верзии од споменатиот сингл и обработките на оригиналните хитови кои беа прилагодени за филмот. На второто CD ќе се најдат досега необјавените песни на кралот на поп музиката.

Филмот „This is it“ својата премиера ќе ја има на 28 октомври.

[ 24-09-2009 ]

Цврсти докази за вода на Месечината

2009-09-24T19:40:00.002+02:00

Три посебни мисии кои ја истражуваат Месечината, на овој сателит на Земјата, пронајдоа вода на половите. Се претпоставува дека водата ја создаваат соларните ветрови.

Откритието кое ќе биде објавено во магазинот „Science“, покажува дека водата активно се движи по површината на Месечината, формирајќи се и разделувајќи се при мешање со честичките прашина.

Научникот Карла Питерс од Универзитетот Браун од Роуд Ајленд, која ги проверила податоците со индиската мисија Chandraayan пронашла спектографски доказ за постоење вода, за која се чини дека е погуста на половите.

- Кога велиме „Вода на Месечината“ не зборуваме за езера, океани, па дури ни бари. Вода на Месечината значи молекули на вода и хидроксил (хидроген со оксиген) во интеракција со молекулите од карпите и прашината од милиметарскиот слој на површината, објасни Питерс.

- Голема е веројатноста подоцна да се откријат „повлажни“ површини на Месечините. Можеби највредниот резултат од ова откритие е поттикнување на критичко преиспитување на тезата дека Месечината е сува, бидејќи не е, вели Пол Лусиј од Универзитетот во Хаваи.

[ 24-09-2009 ]

Македонија домаќин на земјоделски арт фестивал

2009-09-22T22:00:00.001+02:00

Студентите од Факултетот за земјоделски науки и храна, од денеска до 9-ти овој месец, ќе бидат домаќини на третиот ИААС Арт фестивал, кој претставува платформа за културна размена ...

... меѓу земјите учеснички и можност за промоција на Македонија, на македонската култура, уметност, храна и обичаи.

На фестивалот, што ќе го отвори деканот на Факултетот за земјоделски науки и храна во Скопје Драги Димитриевски, покрај домашни, ќе учествуваат и повеќе од 40 странски претставници.

Арт фестивалот прв пат се одржа пред две години во Анкара, Турција, а минатата година домаќини беа студентите од Илиноис, САД.

Националниот комитет ИААС-Македонија за годинашниов фестивал подготвува програма во чии рамки учесниците од повеќе земји ќе можат да ги истражат убавините на Македонија.

Студентите кои ќе учествуваат на фестивалот своите уметнички таленти ќе ги покажат во неколку уметнички колонии.

Главен мотив и инспирација на фотографиите, сликите и поезијата, според организаторите, ќе бидат недопрените убавини на Македонија, како што се мегалитската опсерваторија Кокино, камените фигури од Куклица, Кратовско, манастирот Св. Тројца во село Скачковци, Колешинските и Смоларските водопади, Дојранско езеро, каде што гостите ќе се запознаат со традиционалниот начин на риболов, Тиквешкиот и Повардарскиот регион, каде што се планирани посети на неколку винарски визби и на земјоделско-прозиводни капацитети.

ИААС е Меѓународно здружение на студентите по земјоделство и сродни науки, основано во 1957 година во Тунис, чии комитети се раширени во универзитети во над 40 земји низ целиот свет. Националниот комитет на ИААС Македонија е основан во 1998 година на Земјоделскиот факултет во Скопје.

[ 04-10-2009 ]

Почина Коле Чашуле

2009-09-22T21:59:00.002+02:00

На 88 години вечерва почина македонскиот романсиер, драмски писател и публицист Коле Чашуле.

Тој е роден во Прилеп во 1921 година. Чашуле бил директор на радио Скопје, уредник на списанијата „Нов ден“ и „Современост“, главен и одговорен уредник на „Разгледи“, и директор на драмата при Македонскиот народен театар.

Еден е од иницијаторите за формирање на друштвото на писателите на Македонија, а бил и негов претседател. Член е и на Македонскиот Пен центар. Во 1946 година Чашуле е член на судскиот совет што го осудува Методија Андонов - Ченто на 11-годишна затворска казна.

Чашуле бил конзул во Канада и амбасадор во Боливија, Перу и во Бразил.

Негови најпознати дела се драмите - Една вечер (1948), Последните гаврани (1950), Задруга (1950), Вејка на ветрот (1957), Бразда (1958), и Црнила (1960), романи - Простум (1970),и книги раскази - Првите дни (1950).

[ 22-09-2009 ]

Победете го стресот со диња

2009-09-20T13:37:00.004+02:00

Истражување на француските научници покажало дека ензим присутен во дињите може да биде навистина ефикасен во борбата против стресот.

Станува збор за делувањето на ензимот супероксид дисмутаза, веќе познат по антиоксидативниот заштитен ефект на ткивата во организмот.

Се покажало дека испитаниците кои добиле капсули со овој ензим имаат значително помалку симптоми на стрес и замор отколку оние кои добиле плацебо.

Земањето на ензимот било поврзано со значително подобра концентрација, намалена раздразливост и подобрување на квалитетот на сонот. Во истражувањето учествувале 70 испитаници.

[ 20-09-2009 ]

Французин на лотарија освои 100 милиони евра

2009-09-20T13:09:00.002+02:00

Играч од југот на Франција на извлекувањето емитувано на приватната ТВ станица TF1 во петок навечер освои 100 милиони евра, поставувајќи го рекордот во добивка на лотаријата Euro Millions во Франција.

Претходниот рекорд во Франција го држел играч од париската регија, кој во 2005 година освоил нешто повеќе од 75 милиони евра.

Добитникот од петокот е единствен кој ги погодил сите седум броеви од првиот ред на Euro Millions, европска лотарија која опфаќа девет земји: Франција, Велика Британија, Ирска, Шпанија, Португалија, Белгија, Швајцарија, Луксембург и Австрија.

Историскиот рекорд на Euro Millions го држи од 8 мај 2009 година, учесничка од Шпанија која освои 126.231.764 евра.

[ 20-09-2009 ]

Лошо паѓање на скејтер

2009-09-20T12:41:00.004+02:00

Се надеваме дека овој дечко не планира да биде родител, бидејќи тој ја изгуби неговата способност да има деца.

[ 20-09-2009 ]

Бродот "Илинден" извлечен од вода

2009-09-19T13:37:00.003+02:00

По 14 дена изминати на дното, бродот „Илинден“ денеска е извлечен на површината на Охридското Езеро и се наоѓа на стотина метри до брегот.

Одвлекувањето на „Илинден“ до каналот Студенчишта најверојатно ќе се врши друг ден, за што ќе биде ангажиран брод на Министерството за внатрешни работи.

Активностите околу извлекувањето на „Илинден“ се одвиваа согласно строго утврдена процедура и план изготвен од страна на екипата на специјализираната компанија „Дубина“ - хрватската фирма за подводни активности ангажирана за извлекување на бродот од дното на езерото.

Експертите на сплитската фирма извлекувањето на бродот го извршија со специјални каиши и воздушни балони.

Комисијата, што беше формирана од страна на Министерството за транспорт и врски за утврдување на причините за несреќата, инсистираше целиот процес на извлекување на бродот од дното на езерото да го врши фирма специјализирана за такви активности, за да се избегнат какви било оштетувања на бродот што би и наштетиле на истрагата.

Бродот „Илинден“ потона на 5 септември кај Авто-кампот „Елешец“, при што со себе однесе 15 животи. Сите жртви беа туристи од соседна Бугарија.

[ 19-09-2009 ]

Необично суштество снимено во Панама

2009-09-18T14:22:00.003+02:00

И додека јавноста сеуште се прашува за какво суштество станува збор - дали е некоја нова варијанта од чудовиштето Montauk снимено минатата година на њујоршката плажа, некој нов вид на ракун или нешто седумнаесто - едно е јасно. Изгледа болно и има канџи.

Тинејџери во Панама снимиле бизарно убиено суштество кое лежело на карпа во местото Cerro Azul, северно од главниот град. Момчињата кажуваат дека од страв го нападнале суштеството и мртво го фрлиле во водата. Подоцна се вратиле да го снимат телото на сеуште неидентификуваното животно.

Фотографиите се појавиле на блоговите по криптозоологија, каде се понудени неколку одговори. Поради големите канџи некои сметаат дека станува збор за мрзливец, на кој од непознати причини му паднале влакната.

Сето ова многу потсетува на минатогодишната монструозна сензација чиј леш исплива на една њујоршка плажа. Многумина се обиделе да го идентификуваат таканаречниот Montauk Monster велејќи дека станува збор за куче, но бидејќи остатоците од животното исчезнале, до ден денес сеуште нема официјално објаснување. Суштеството изгледало вака:

[ 18-09-2009 ]

Какаото борец против мигрената

2009-09-17T15:52:00.010+02:00

Веќе неколку години, научниците интензивно ја проучуваат способноста на какаото дека лекува разни болести.

Така, новата студија на стаорци ги пружи првите докази дека какаото може да ги потисне воспаленијата во ганглиите, кои се сметаат дека имаат важна улога во настанувањето на мигрена.

Се чини дека какаото ја намалува активноста на протеините кои се заслужни за формирање на инфламаторни воспаленија, кои последично предизвикуваат мигрена.

Точниот механизам уште не е јасен, а бидејќи оваа студија е пионер во оваа област, потребни се уште дополнителни истражувања кои ќе им помогнат на научниците во разбирање на потеклото на мигрената како и нејзина превенција и лечење.

[ 17-09-2009 ]

Мајмунски шегаџија

2009-09-17T15:30:00.004+02:00

Ако сакате да се пошегувате со некој, најдобар начин тоа да го направите е кога тие најмалку очекуваат. И тоа е токму она што овој мајмун го прави!

[ 17-09-2009 ]

Објавен првиот видео оглас во магазин

2009-09-17T14:54:00.002+02:00

Пред неколку недели пишувавме за намерата на месечникот Entertainment Weekly дека во следното печатено издание ќе објави видео реклама. Сега можете да видите како тоа навистина изгледа.

За прикажување на видеото во печатеното издание, Entertainment Weekly ја користи технологијата на компанијата Americhip, која овозможува околу 70 минути на видео и аудио репродукција.

BBC сними видео прилог во кој можете да видите дека не станува збор за ништо премногу гламурозно. Магазинот поради вградениот чип и звучници е прилично задебелен, а сето ова потсетува на божиќните честитки кои свират, што секако е негативна работа. За тоа сепак ќе треба да ги причекаме вестите од правиот електронски весник.

[ 17-09-2009 ]

Google Chrome 3

2009-09-16T17:27:00.002+02:00

Нешто повеќе од една година после првото претставување на Google Chrome на јавноста, Google ја објави и верзијата 3 на својот веб прелистувач.

Според официјалното соопштение, Google Chrome сега е 25% побрз од својата претходна верзија при извршување на JavaScript на веб страниците, со што на корисниците ќе им биде забрзано вкупното прегледување на веб страниците. Подобрувања се направени и на полето на управување со табовите, како и при манипулација со аудио и видео содржините.

- Chrome 3 е резултат на работата на 51 програмери, претставување на 21 бета и 15 стабилни верзии и поправени точно 3.505 грешки во прелистувачот, се вели на официјалниот блог на веб прелистувачот.

Google Chrome за само една година од претставувањето, е на третото место на веб прелистувачи, со удел од околу 3%, а во наредната година се очекува процентот двојно да се зголеми.

Сите новитети за новата верзија можете да ги прочитате на официјалниот блог, а најновата верзија можете да ја преземете тука.

[ 16-09-2009 ]

50 години возел автомобил без возачка дозвола

2009-09-16T16:24:00.003+02:00

Полицијата во Сиднеј застанала 67 годишен возач и утврдила дека нема дозвола, но тој им признал и дека веќе 50 години вози без положен возачки испит.

Сообраќајниците го застанале сосема случајно, затоа што не застанал на местото каде што тој морал тоа да го направи поради сообраќајниот знак.

Тој мора да се појави пред судот во октомври и да објасни зошто се возел без дозвола уште од времето кога Двајт Ајзенхауер бил претседател на САД.

[ 16-09-2009 ]

Неверојатни фотографии 3

2009-09-15T22:36:00.001+02:00

Да, време е за неколку неверојатни фотографии на овој прекрасен ден. Опуштете се, релаксирајте се и погледнете неколку фотографии додека и онака сте тука! Нема да бидете разочарани!

[ 02-10-2009 ]

Неверојатни вештини со трчање!

2009-09-15T21:43:00.005+02:00

Постојат многу видеа со слободно трчање. Некои се лоши а некои се добри. Видеото што ќе го погледнете е дефинитивно едно од најдобрите. Старите, искусни дечки покажуваат како треба тоа да се направи.

[ 15-09-2009 ]

Google Fast Flip

2009-09-15T17:30:00.004+02:00

Веќе се навикнавме на тоа дека интернет гигантот Google постојано ги надополнува и унапредува своите сервиси и услуги, па затоа ни малку не сме изненадени на претставувањето на новиот начин на приказ на Google News.

Google во текот на вчерашниот ден на својот официјален блог ја објави веста за новиот експеримент на инжењерите од Google Labs. Google Fast Flip овозможува прегледување на веб содржини, извори на вести, на начин како што се прелистуваат класичните печатени магазини и весници.

Содржините кои Google ги прикажува под закрилата на Fast Flip се овозможени благодарение на соработката на речиси четириесет медиски куќи како New York Times, Newsweek, BBC и други.

Google ја претстави и мобилната верзија на Fast Flip, наменета за корисниците на iPhone или било кој смартфон кој подржува Android, посебно прилагодени за споменатите уреди.

fastflip.googlelabs.com

[ 15-09-2009 ]

Почина Патрик Свејзи

2009-09-15T12:56:00.003+02:00

Познатиот холивудски актер Патрик Свејзи почина на 57-годишна возраст како последица на заболувањето од рак на панкреасот, кој му беше дијагностициран во јануари 2008.

Свејзи, роден на 18. август 1952, ги подигна сите на нозе со Dirty Dancing, а ги расплака со улогата во Ghost. Омилен меѓу публиката, покрај актерската кариера беше познат и по неговата прва љубов, танцувањето како и по еден по малку симболичен излет во музиката, како композитор и изведувач.

Борбата со ракот, која за него не изгледаше невозможна за добивање после првичните подобрувања по хемотерапијата, се чини дека започна да ја губи засекогаш на 19. април оваа година кога неговите доктори го информираа дека метастазите на ракот се прошириле и врз неговиот црн дроб.

20 месеци после првичната дијагноза, најсекси мажот за 1991. година според People магазинот, во својот дом и во кругот на фамилијата, почина мирно на 14. септември 2009. година.

[ 15-09-2009 ]

Супер Јојо дете

2009-09-14T20:26:00.004+02:00

Ова дете знае како да се справи со jojo до крајност. Ако има пари да се направат со jojo, тој ќе направи богатство.

[ 14-09-2009 ]

Престанала да пуши по 95 години

2009-09-14T17:23:00.004+02:00

Британката која својата прва цигара ја запалила за време на Првата светска војна во 1914, конечно во 102-та година од животот возраст се откажала од порокот, бидејќи како што вели таа, и здосадило.

Вини Ленгли после 95 години се откажала од цигарите бидејќи повеќе "не и одговарале". Првата цигара ја разменала со пријателките од основно училиште, а својата долговечност и тоа дека никогаш не заболела од рак ги припишува на фактот дека никогаш не го вдишувала чадот од цигарите.

Работела во перална за алишта во јужниот дел на Лондон, во Кројдон и вели дека тогаш сите пушеле и тоа заради друштво. - Не знаевме за здравствени проблеми, но мене едноставно повеќе не ми се убави. На крајот на краиштата, видот толку ми се влоши, што за некое време можеби не ќе можам да видам ни кутија цигари.

Од својата прва цигара во просек пушела по пет цигари дневно, или околу 170.000 цигари за цел живот. Најмногу цигари испушила за време на Големата депресија и Втората светска војна. Сепак и покрај тоа, Вини го надживеала својот сопруг Роберт кој починал во 1968. година, а и нивниот син кој починал пред четири години на 72-годишна возраст.

- Последниве години и онака ги намалив. Ќе запалев по една во неколку дена, после вечера или во спалната соба. Освен тоа, цената на цигарите е ужасна, а и забраната за пушење е одвратна. Би требало да биде дозволено да се запали каде што сакате, заклучила Ленгли.

[ 14-09-2009 ]

Македонска сиромаштија

2009-09-14T15:30:00.007+02:00

Најновиот хит од Шутка, специјално за сиромаштијата. Се пее за македонската сиромаштија, а како бонус под видеото го имате и целиот текст од песната.

Македонска сиромаштија текст:

Ја шоља дома немам
па каде да се серам
палома више немам
од каде јас да земам
x2

Сега сум сиромав
за кафе и шеќер пари јас немам
боца плинска немам јас
а струја од ЕВН ја скинаја
дали заслужив Гоце кажи ми што ти направил
кај е мојот глас што го дадов јас
за партијата

Јас брашно немам
а ваква џабе имам
каде јас да барам
комшиите не ми даваат
јас седум деца имам
гардероба за нив немам
од Црвен Крст да земам
поверење таму немам

Социјално малку зимам
за пиво анџак имам
за мезе пари немам
на пишанка ќе земам
x2

За сок немаше
по цел ден вода ние пиевме
чешма дома немавме
од бунар кај Нада ние полневме
во душа вртевме
црева платневме
скелет станавме
алах земи ме и не мачи ме
во рај прати ме

Јас седум деца имам
гардероба за нив немам
од црвен крст да земам
поверење таму немам

Социјално малку зимам
за пиво анџак имам
за мезе пари немам
на пишанка ќе земам

[ 14-09-2009 ]

Откриен генот на дебелеење

2009-09-12T12:40:00.003+02:00

Американските научници од Универзитетот во Мичиген го идентификуваа генот со чија деактивација може да се спречи зголемувањето на телесната маса без разлика дали се зема храна која изобилува со масти.

Тестирањата спроведени врз животни покажаа дека со отстранување на генот IKKE доаѓа до забрзување на метаболизмот и согорување на дополнителната количина калории.

Стручниот магазин „Cell“ објави дека IKKE генот ко контролира производството на ензимот задолжен за активација на низа протеини, вклучувајќи го регулирањето на метаболизмот.

Кај животните кај кој е деактивиран IKKE не се забележани знаци на хронични воспаленија, една од последиците на прекумерната тежина, која се поврзува со резистенција на инсулин и дијабетес тип 2.

[ 12-09-2009 ]

Apple претстави нова верзија на iPhone OS

2009-09-12T12:15:00.002+02:00

Заедно со освежената линија на iPod плеери и iTunes 9 со помодерен интерфејс, Apple издаде и нова верзија на софтверот за iPhone и iPod Touch уредите.

iPhone OS 3.1 покрај сите можности кои ги нудеше претходната 3.0.1 верзија, меѓу главните новости се Genius препораките за апликации, Genius миксови и можност за презимање звуци на ѕвонење преку безжична мрежа.

Многумина ќе ги развесели и новата опција за организирање на апликациите и екранот како на iTunes 9, а тука е и подобрената синхронизација, снимање видео од меилот и MMS со опцијата Camera Roll, подобрените Wi-Fi перформанси за iPhone 3G S, вклучен Bluetooth и далечинско заклучување на уредот преку услугата MobileMe.

Сопствениците на моделот 3GS сега можат да ја користат Voice Control опцијата преку Bluetooth слушалки.

Проширени се можностите за синхронизација на календарот и поканите во Exchange, додека мобилниот Safari доби anti-phishing сигурносна опција. Тука се и ред други помали промени и поголемата стабилност, а сопствениците на iPhone софтверот можат бесплатно да го преземат по стандарден пат, преку iTunes.

Што се однесува до корисниците на iPod Touch, важи старото правило, оваа надградба чини 4,95 долари, а доаѓа со сите нови модели кои се од вчера се во продажба.

[ 12-09-2009 ]

Исповед на Адријано

2009-09-10T18:27:00.000+02:00

Екс-фудбалерот на Интер, а сега играч на Фламенго, Адријано, во интервјуто за магазинот Р7 им објасни на своите фанови каков живот живеел во Милано. Пиел што ќе му дојде во рака ...

“Тешки беа тоа денови за мене во Интер. После тоа оставив впечаток на неодговорен играч, бунтовник и кој знае што уште не.

“После смртта на мојот татко минував низ ужасна депресија и тага. Открив дека заборавам на се и се чувствувам колку-толку нормално само додека сум пијан. Затоа и пиев секоја вечер. Секоја вечер излегував во град и ништо не можеше да ме запре.“

“Не бирав што ќе пијам. Едната вечер вино, другата виски, третата пиво или пак се во една вечер. Доаѓав дома доцна ноќта и се плашев да заспијам бидејќи сигурно ќе се успиев и ќе закаснев на тренинг. Затоа и многу пати идев грогиран на тренинг. Кога Манчини ќе ме видеше таков ме праќаше дома, а во јавноста лажеа дека имам некаква повреда.“

“Бев скршен во секој поглед. Но тоа време сега го оставив далеку зад мене. Не сум склон ниту малку на сето тоа. Играм фудбал, повторно уживам на теренот и секој ден сум се посилен и посилен.“ - заврши Адријано со својата исповед.

Многу е веројатно Бразилецот да се пресели во Европа уште во јануарскиот преоден рок.

[ 01-10-2009 ]

Нови фасцинантни фотографии од Хабл

2009-09-10T15:24:00.005+02:00

Први фотографии од далечните вселенски пространства кои се направени со телескопот на НАСА се пуштени во јавноста.

Да се потсетиме, Хабл, минатата пролет доживеа поправка и модификации вредни милијарди долари, а неговите најнови фотографиии од далечните вселенски пространства, најостро се досега снимени, пренесува Ројтерс.

Хабл и оваа година доживеа поправка со што му се вградени две нови камери и друга научна опрема. Фотографиите кои НАСА денес ги пушти, се со значително поголема јасност од оние направени со телескопот пред сите извршени поправки.

[ 10-09-2009 ]

Несреќен репортер паѓа во валкана вода

2009-09-09T21:43:00.004+02:00

Тропската бура Џимена беснееше во Калифорнија овој викенд, и овој тип случајно прави длабок извештај за бурата, кој за несреќа завршува со паѓање во водата.

[ 09-09-2009 ]

Високите луѓе се посреќни

2009-09-09T20:00:00.004+02:00

Високите луѓе водат посреќен живот од ниските луѓе, покажува најновото истражување кое открива дека мажите кои се за три сантиметри пониски од просечната висина се чувствуваат бедно.

Научниците откриле дека ниските луѓе се незадоволни со својот живот. За разлика од нив, високите луѓе покажаа дека живеат поисполнет и позадоволен живот.

Во студијата се вклучени 450 илјади возрасни луѓе, а се проучувале нивните погледи за животот. Испитаниците одговарале на прашања во врска со нивните чувства и ставови.

Се покажало дека високите луѓе имаат позитивен поглед на животот и се со поголема веројатност да кажат дека тие се среќни. Високите луѓе помалку чувствуваат негативни емоции, а подобро се носат и со стресот од ниските луѓе.

Мажите кои во текот на истражувањето изјавиле дека нивните животи се "грозни", биле во правилото два до три сантиметри пониски од просечната висина на мажите.

Висината се покажала како значајна и кај жените. Имено, жените кои изразиле незадоволство со нивните животи биле пониски од просечната висина за еден до два сантиметри.

[ 09-09-2009 ]

Тајландско семејство живее со 4.600 шкорпиони

2009-09-08T12:48:00.005+02:00

Суанг Пуангсри ја адаптира неговата семејна куќа во покраината Утарадит, 600 километри северно од Бангкок, живеејќи со необични миленичиња - околу 4.600 шкорпиони.

Дел од куќата во која живее со своето семејство 38-годишниот Тајландѓанец го уреди со гранки и камења за да суштествата се чувствуваат поудобно.

За скратување на удобноста на неговото семејство во корист на крцкави влекачи, Пуангсри се одлучил во знак на помирување. Имено, шкорпии и други инсекти како на пример скакулци се популарни во Тајланд, а од нив, освен за неговото мени, во последниве години ги растел и за продажба во рестораните.

[ 08-09-2009 ]

Asus подготвува е-читач со два екрани

2009-09-08T12:15:00.005+02:00

Додека целиот свет шушка за Apple и неговата таблета која што може ќе се појави, компанијата Asus одлучи да ги преземе работите во свои раце и да најаве како еден таков уред треба да изгледа.

Станува збор за читач на е-книги со два екрани, со најниска цена на пазарот.

Убаво е кога иновацијата и ниската цена одат рака под рака, а всушност такво нешто ни подготвува Asus. Првиот читач на е-книги со два екрани би требало да чини околу 100 фунти, кое би го направил еден од најефтините е-читачи на пазарот.

Спецификациите за сега се малку познати, но се претпоставува дека Asus би можел да претстави и поскапа верзија на уредот, кој би имал поддршка за 3G, како и зголемен простор за чување. Во секој случај, сето ова на пазарот би требало да се појави до крајот на 2009 година.

[ 08-09-2009 ]

Кака: Најважно е дека победуваме

2009-09-07T20:18:00.000+02:00

Играчот за врска на Реал, Бразилецот Кака, е многу среќен што најпосле успеа и тој да се запише во листата на стрелците, макар тоа било и од пенал.

Двете најголеми засилувања Роналдо и Кака му ја донесоа победата на Реал на дербито со Виљареал на Ел Мадригал.

“Пресреќен сум што го постигнав мојот првенец за Реал. Преголемо е задоволството во моментов кај мене.“

“Задоволен сум од нашите резултати, но што се однесува до играта мислам дека можеме и многу подобро. Ќе ни биде потребно уште некое време за да ја пронајдеме играта која ја сакаме, но најважно е дека победуваме.“ - заврши Бразилецот кој летово за 64 милиони евра дојде од Реал.

[ 24-09-2009 ]

Видео компилација на најдобрите нокаути

2009-09-06T20:22:00.003+02:00

Одлична HD видео компилација во која се содржани најдобрите нокаути и борби во ММА. Подгответе се за неколку луди нокаути, крвави лица и чист тестостерон.

[ 06-09-2009 ]

Фотографија од моментот на тонење на “Илинден“

2009-09-06T19:38:00.005+02:00

На интернет е објавена фотографија на која се гледа бродот “Илинден“ во моментот на потонувањето. Потонал точно во 10 часот и 33 минути.

(кликни на сликата за поголема)

[ 06-09-2009 ]

Шпанците за прв пат ја освоија Европа

2009-09-06T13:23:00.005+02:00

Шпанија е новиот европски првак. Тие се победници на 36-то европско првенство кое во претходниве две недели се одржуваше во Полска. Во финалето ја декласираа Србија со 85:63.

Актуелните светски прваци најпосле го освоија и првото злато на европските шампионати и со тоа ја потврдија доминацијата во ЕвроБаскетот во последните 10 години. Од ЕП 1999-та во Франција па се до ова во Полска тие имаа 3 финалиња (3 сребра) и две мали финалиња (една бронза).

Може да се рече дека се беше готово уште по некаде по 7 минути игра кога Шпанците имаа серија од 4 тројки едно по друго по што дојдоа на +13 (20:7). Потоа Србите намалија на -8, за да со две серии од по 6:0, “црвената фурија“ да дојде на убедливи +20 (40:20) и потоа веќе се беше познато.

Разликата до крај само се зголемуваше, Србите на кој ова им беше прво финале на ЕП немаа мотиви, но и не можеа да сторат нешто повеќе против вака разиграниот противник кој на моменти си поиграваше со атрактивни потези со своите противници.

Ова е вториот најтежок пораз што една репрезентација го доживеала во финалињата на европските првенства. Како и по обичај најефикасен и најзаслужен за триумфот беше По Гасол(МВП) кој постигна 18п 11с, со тоа тој е најефикасниот играч на ова ЕП.

Руди Фернандез со по 13п и Јуан Наваро 12п исто беа заслужни за ова одлично издание на Шпанците.

Кај Србите Милош Теодосиќ кој на полуфиналето постигна 32п сега имаше само 5п, но и не трошеше многу топки, добро беше чуван од Рубио и Наваро. Трипковиќ со 15п беше најзабележителен кај вицешампионите.

Скокот на Србите беше очаен, едноставно Шпанците си правеа што сакаат во нивниот рекет, дури 17 офанзивни скока што е едноставно недопосливо за било кој тим.

Бронзата оди во рацете на Грција кои во малото финале со 57:56 ја совладаа Словенија. 5-ти се Французите кои со 59:52 ја совладаа Хрватска, а 7 се Русите кои со 89:66 ја прегазија Турција.

Најдобрата петорка е: По Гасол, Еразем ЛОрбек, Руди Фернандез, Василеос Спанулис и Милош Теодосиќ

[ 21-09-2009 ]

Потона бродот "Илинден" во Охридско езеро

2009-09-05T15:30:00.006+02:00

Во водите на Охридското Езеро, на потегот над плажата "Корали" претпладнево потона бродот "Илинден", јавува охридското радио “Супер радио“, пренесува агенцијата Инпрес. Според неофицијални информации досега се извлечени 17 мртви тела.

Според очевидците во моментот на несреќата на бродот имало група од педесетина бугарски туристи кои биле на туристички разгледување на езерото. На помош веднаш пристигнале и бродовите "Галеб" и "Александрија" кои помогнале при спасувањето на туристите од водите на езерото.

Екипи на СВР Охрид, противпожарната станица и медицински лица од општата болница во Охрид пристигнаа на местото на настанот.

Според неофицијални информации досега се извлечени 17 мртви тела. Се уште не се знаат причините за потонувањето на бродот, но се шпекулира дека потонал од претовар.

[ 05-09-2009 ]

Јувентус продолжува со победите

2009-09-05T12:53:00.002+02:00

Јувентус ја забележа и четвртата победа по ред, овој пат жртва беше новиот прволигаш Ливорно, во вториот дуел од саботната претстава, Наполи и Удинезе одиграа без голови.

"Старата дама" поведе уште во 8-та минута по одличното нафрлање на Каморанези во шеснаесетникот на гостите, најдобро се снајде Јакинта кој со глава погоди за 1:0, со што го постигна 3-от гол оваа сезона за Јуве.

За вториот гол исто диригент беше Каморанези, овојпат асистенција во празно за Маркизио кој иако беше во прилично тешка позиција со полулоб од левата страна го совлада голманот на Ливорно.

За одбележување се и двете 100% шанси кои ги имаше Трезеге, но Французинот сепак не успеа да се запише во листата на стрелците.

Ливорно имаше одлична шанса во 65-та минута, но Буфон неверојатно интервенираше. Јуве играше без Диего, Мело, Канаваро и Дел Пјеро.

Јувентус сега е прв со 12 поени од 4 натпревари и ќе ги чека неделните дуели на Џенова и Сампдорија за да видат дали некој ќе има исто 100% учинок како нив.

[ 20-09-2009 ]

На интернет најмногу се сурфа навечер

2009-09-05T12:39:00.004+02:00

Компанијата Arbor Networks истражувала во кое време од денот најмногу се користи интернет. Во Европа тоа е девет часот навечер, а во САД во 11 часот навечер.

Arbor Networks направи голема студија меѓу интернет провајдерите во кое време бележат најголем сообраќај на мрежата. Интернет сурферите од Соединетите Држави и Канада најмногу преферираат да седнат и сурфаат во доцните вечерни часови, па најголемо оптоварување на мрежата е во 11 часот навечер.

Сурфањето почнува во осум часот навечер и трае до доцна во ноќта. На пример, во два часот по полноќ подеднакво е голем сообраќајот како и во девет часот наутро кога Американците пристигнуваат на работа и го пуштаат компјутерот и ја проверуваат поштата и новости.

Европските сурфери не се такви ноќни птици и тие најмногу сурфаат во девет часот навечер, по што нагло се намалува оптоварувањето на мрежата.

Интересно е тоа што до неодамна најголемо мрежно оптоварување е забележано во време кога корисниците биле на работа, а врв било времето пред да ја напуштат работата. Се чини дека големите брзини на домашниот пристап на интернет ослабеле на притисок на бизнис линковите.

Истражувањето се занимавало и со тоа до каква содржина пристапуваат ноќните сурфери. Повеќето се работи за онлајн видео сервиси како YouTube и порнографија во подоцнежните часови од ноќта, а вечерта е особено оптоварена со онлајн играчи.

Бидејќи истражувањето е направено за време на летото, се претпоставува дека многу голем сообраќај е направен со игри на последица на училишните одмори, па Arbor ќе го повтори истражувањето и во другите годишни времиња.

[ 05-09-2009 ]

Незасладени сокови во борбата против дебелината

2009-09-05T11:57:00.004+02:00

Сите оние кои се борат со дебелината знаат дека губење на вишокот на килограми е само половина од битката, многу е потешко да се одржува постигнатата тежина.

Сега во нова студија се вели дека во оваа битка од голема помош може да биде внесот на пијалоци без шеќер

Научниците го анализирале вкупниот внес на калории, белковини, масти, јагленохидрати и пијалоци меѓу 300 луѓе кои ослабеле. Резултатите покажале дека внесот на пијалоци кои се засладени со вештачки засладувачи, а не со рафиниран шеќер може да биде важна стратегија во одржување на постигнатата телесната тежина.

Иако студијата покажува дека незасладените пијалоци се добар метод за одржување на витката линија, тоа секако не е магично решение, истакнуваат нејзините автори додавајќи дека треба да се променат и некои други навики кои што довеле до насобирање на вишокот килограми.

[ 05-09-2009 ]

Лош пад од лулашка

2009-09-04T22:04:00.006+02:00

Ако се лулате вака на лулашката, вие само прашувате за незгода.

[ 04-09-2009 ]

Неверојатни снимки од кошеви!

2009-09-04T20:30:00.006+02:00

Овие момци се познати од порано по тоа што прават неверојатни снимки. Можеби им требало 20 пати за да изведат еден успех, но резултатот не може да остане не спомнат. Уживајте!

[ 04-09-2009 ]

Купете си пријатели на Facebook!

2009-09-04T15:53:00.009+02:00

Австралиската интернет страница uSocial.net оваа недела им понудила на корисниците на Facebook нови пријатели со паричен надоместок.

Страница на Facebook нуди цела палета на услуги од пакети со 1.000 пријатели за 177,30 долари до 5.000 пријатели за 654,30 долари.

Можно е да се купи "поддржувачи" чиј број не е ограничен за цена од 177,30 долари за 1000 до 1.167,30 долари за 10.000 поддржувачи.

uSocial кој го опишува Facebook како "гигантска рекламна платформа", сугерира на комерцијален интерес за купување на пријатели.

- Со широк круг на пријатели на Facebook, имате цела група на пријатели со кого може да контактирате за рекламирање на она што го сакате", уверува интернет страната.

Facebook е "крајно ефективна маркетиншка алатка", се вели во изјавата на директорот на uSocial Леон Хил. - Единствениот проблем е тоа што понекогаш е тешко да се соберат заинтересирани. Тука ние интервенираме.

[ 04-09-2009 ]

Бенитез: Најбитно е што победивме

2009-09-04T15:41:00.001+02:00

Менаџерот Рафа Бенитез призна дека неговиот клуб се мачел доста со Унгарците, но победата беше она што им беше најпотребно и тоа го оствариле.

“Имаме голема самодоверба и победите се многу важни за моите фудбалери. Да ја започнете Лигата на Шампионите со три поени секогаш е најважно, а се надевам дека ќе гледаме подобри изданија понатаму.“

“Имавме неколку добри шанси, но не ги искористивме и затоа и почувствувавме мал притисок на крај. Ова беше дуел против еден тврд противник и добро организиран.“

“Ние имавме контрола над играта во првиот дел, а противникот немаше некои шанси. проблемот беше што неможевме да го постигнеме тој втор гол, но пак ќе речам задоволен сум бидејќи победивме.“ - изјави Рафа во прес-конференцијата после натпреварот.

[ 17-09-2009 ]

Официјално: Mercedes SLS AMG

2009-09-04T12:54:00.000+02:00

После повеќемесечните нагаѓања конечно пристигнаа првите фотографии од новиот ултра спортски автомобил на Mercedes-Benz.

Наследникот на легендарниот Mercedes 300 SL Gullwing од 50-те години на минатиот век и замената за SLR ја носи ознаката SLS AMG во чест на тјунинг одделот на Mercedes-Benz кој е целосно заслужен за овој ултимативен ѕвер.

Во вистински Gullwing стил, SLS AMG има врати кои вертикално се отвораат и се дел од новата алуминиумска каросерија со речиси идеален 48-52% сооднос на тежината во полза на задната осовина.

За погонот е задолжен 6,2-литарскиот V8 мотор 571 KS при 6.800 вртежи во минута и 650 Nm вртлив момент, а силата на задните тркала се пренесува преку седум-степенскиот менувач.

Моторот е вграден напред, но зад задната осовина за подобра дистрибуција на масата. SLS AMG би требало да тежи околу 1.600 килограми, да забрзува до 100 километри на час за само 3,8 секунди, а максималната брзина да му биде 320 км/час.

Возачот на располагање има четири различни set-up пакети, во распон од комфорен па се до екстремно спортски, а за ефикасното запирање се грижат карбонско-керамичките дискови.

Mercedes-Benz SLS AMG ќе ја започне пазарната трка кон почетокот на следната година и тоа со цена од 177.310 евра. Официјалното претставување е предвидено за саемот на автомобили во Франкфурт.

[ 12-09-2009 ]

Пандев го напушта Лацио!

2009-09-03T17:13:00.000+02:00

Како што пишува LaLaziosiamonoi.it Пандев побрал од Лацио да му го прекинат договорот бидејќи повеќе неможел да го издржи притисокот кој Лотито му го прави.

Раскинот на договрот би требало да биде и официјално побаран при крајот на неделата или на почетокот на наредната. Ова Пандев го одлучил откако разговарал со својот адвокат Грасани.

Со ова Пандев ќе го стори истото што го направи и Мутарели пред една година. Неговиот тогаш клупски колега се наоѓаше во истата ситуација и го доби овој спор. При тоа при раскинот на договорот тој доби и 20% од преостанатата плата.

Пандев ќе го тужи Лацио за малтретирање. Ако Гоче го добие овој спор што е многу веројатно бидејќи има голема поддршка од сите страни, а и самиот случај Мутарели кажува дека веќе еднаш се досудило во негова корист од јануари ќе стане слободен играч и ќе оди во кој клуб сака.

Во тој случај речиси пола Европа ќе се степа да потпише со Пандев бидејќи нема да плати никаква оштета клубот.

[ 16-09-2009 ]

Кафето е здраво се додека не претераме

2009-09-03T14:53:00.004+02:00

Кафето рутински се пие во медитеранските земји и претставува најраширена конзумирана активна супстанца во светот.

Таа содржи стотина различни супстанции вклучувајќи антиоксиданти, јагленохидрати, масти, витамини, минерали, алкалоиди. Сепак, ефектот на кафето на кардиоваскуларниот систем најмногу се препишува на кофеинот.

Во новата студија научниците утврдиле дека високиот внес на кафе и првенствено кофеин го зголемува ризикот од вентрикуларна аритмија. Висок внес на кафе подразбира повеќе од 3 шолји напиток на ден.

Другите студии утврдиле позитивни ефекти од кофеинот, на пример, оксидативниот стрес, умереност во пиењето кафе е клуч за осигурување на придобивка кое тоа ни го пружи.

[ 03-09-2009 ]

Фармер пронашол јајце во јајце

2009-09-02T21:18:00.000+02:00

Фармер од Велика Британија зготвил јајце за појадок и токму кога се припремил за јадење, и го отворил, го дочекало изненадување. Во свареното јајце пронашол уште едно јајце.

- Се занимавам со одгледување на кокошки цел живот, и вакво нешто никогаш во животот не сум видел и не сум ни чул, изјавил за британските медиуми 40 – годишниот Џеф Тејлор. Тој додал дека досега има видено јајца со по две жолчки, но ова за него претставува вистинско чудо.

- Преку интернет дознавме дека вакво нешто последен пат е забележано во далечната Јапонија, истакнал Тејлор.

Даглас Расел од британскиот Природно Историски Музеј изјавил за магазинот The New Scientist дек во својата кариера како куратор на музејот наишол на многу чудни примероци на јајца.

- Дупли јајца се поретки од оние со по две жолчки, и никој всушност не знае како настануваат, и тие веќе стотици години, објаснил Расел.

[ 02-09-2009 ]

Екстремно низок лет на авион!

2009-09-02T20:01:00.006+02:00

Овие момци се многу храбри, пилотот лета со скоро брзина еден Мах репрезентациите на брзина, на 4 метри од земјата директно над главите на неговите пријатели.

[ 02-09-2009 ]

Три скока, еден голем пад

2009-09-02T19:48:00.003+02:00

Тие ја следат совршената формула: 2 дела импресивни трикови помешани со еден дел кој има болно промашување. Едноставните рецепти се секогаш најдобри.

[ 02-09-2009 ]

Англичанец нокаутиран во бар

2009-09-02T19:36:00.005+02:00

Овој човек започнува проблеми во еден бар во Бангкок. Кога станува навистина гласен, 15-годишно дете се појавува и го нокаутира пијаниот турист.

[ 02-09-2009 ]

Прв Светски конгрес на вештерки во Србија

2009-09-02T19:12:00.002+02:00

Велико Градиште на североисточна Србија за неколку денови ќе биде полно со маѓепсници, вештерки и духови, кои тука ќе се соберат за да учествуваат на првиот Светски конгрес на вештерки.

Велико Градиште, град од 6.500 жители според пописот од 2004 година, на 4 септември ќе биде домаќин на првиот Светски конгрес на вештерки во организација на World Witch Congress Team.

Организаторите изјавија дека очекуваат вештерки и маѓепсници од Македонија, Романија, Украина, Русија и Бугарија кои ќе ги демонстрираат своите способности во подготвувањето на магични напитоци,но и разни „моќи“, пренесува Mondo.

- Сакаме на интересен начин да го доловиме амбиентот од времето на вештерките, духовите и маѓепсниците. Меѓу другото, посетителите ќе може да пробаат „магични“ напитоци од разни вештерки и маѓепсници, како и посебен магичен коктел кој ќе се приготвува во огромен лонец во градскиот парк“, најавија органзиаторите од World Witch Congress Team.

Врвот на вечерта ќе се одбележи со големата клада за вештерската забава која ќе трае цела ноќ. Значи, за сите вештерки од кај нас: ставете бензин во метлите, и трк во Велико Градиште.

[ 02-09-2009 ]

Кастер Семенија е хермафродит

2009-09-02T18:37:00.000+02:00

Австралискиот таблоид Daily Telegraph објави ексклузивна приказна со докази дека светскиот шампион(ка) на 800 метри, Кастер Семенија е хемафродит. Кастер наводно, нема ни матка ни јајници.

Атлетскиот скандал на годината доби ново продолжение. Австралискиот таблоид ’Дејли телеграф’ објави докази кои недвосмислено покажуваат дека јужноафриканската атлетичарка Кастер Семенја има и машки и женски гениталии.

„Постојат сигурни докази дека Семенија е хермафродит, но проблемот е во тоа што сите надлежни институции и јужноафриканската јавност многу внимателно ја надгледуваат целата ситуација.

Но, ние ќе направиме се во согласност со правилата“, изјави за Дејли телеграф ’сигурен извор’ од Меѓународната атлетска организација (ИААФ).

„Постојат разни начини за откривање, па затоа утврдувањето на реалната состојба е многу комплицирана, особено заради притисокот од јавноста. Во минатото, се правеа некомплетни гинеколошки прегледи, тестирање на крвта и хромозомите, па многу резултати беа оспорувани.

Денес, се прават сите можни тестови, така што може да се каже со сигурност за што точно се работи. Нашиот најголем проблем е да се избегне какво било сомневање и да можеме да утврдиме кои органи прават жена, и обратно“, изјави ’длабокото грло’ на ИААФ.

Семенја на неодамнешното Светско првенство во Берлин, го освои златниот медал во дисциплината 800 метри за жени, но нејзиниот изглед и фантастичниот резултат (две секунди побрзо од вицепрвакот) побуди сомнеж дека всушност не е девојка.

ИААФ ќе ги објави конечните резултати до 20. ноември, но приказната која го подели светот, изби во јавноста многу порано. Семенија очигледно нема матка ниту јајници, туку внатрешни тестиси, а нивото на машкиот хормон, тестостерон, е три пати поголем од нормалниот за жена.

Се поставува прашањето дали Кастер смее да учествува во конкуренција на атлетичарки и веројатно постојат докази дека не смее.

Имајќи предвид дека има и машки и женски сексуални карактеристики ќе биде повеќе од интересно да се слушне конечната пресуда на ИААФ, врз која падна голема одговорност - да одлучи дали 18-годишната Јужноафриканка е - маж, жена, или се во едно.

[ 12-09-2009 ]

Panasonic плазма од 216 см

2009-09-02T16:39:00.002+02:00

Компанијата Panasonic претстави плазма телевизор со дијагонала од 216 сантиметри (85 инчи), со врвни перформанси, но и непријатни цени.

TH-85PF12U, како што во Panasonic го нарекоа овој уред, поддржува HD резолуција од 1080 p и NeoPDP технологијата на компанијата која ветува врвен квалитет на слика, а сето тоа со прифатлива дебелина на екранот од само 9,9 сантиметри.

Доколку пак помисливте дека целиот уред ќе можете да го подигнете со една рака, заборавете на тоа: тежината е незгодни 117 килограми.

Ваков производ, јасно, спаѓа во категоријата "ако морате да прашате за цената, заборавете на него", но ако баш сакате, цената е околу 30.000 американски долари.

Може да ве утеши тоа што е сеуште 15.000 долари помалку од 103 инчниот модел од истата компанија.

[ 02-09-2009 ]

Видео: И испаднале градите за време на ролеркостер возење

2009-09-02T13:42:00.005+02:00

Оваа храбра девојка станала "несреќна" интернет сензација, откако за време на нејзиното возење на ролеркостер нејзините гради сакале да се ослободат.

[ 02-09-2009 ]

Gmail "падна" и по трет пат оваа година

2009-09-02T13:01:00.003+02:00

Популарниот сервис за бесплатни пораки кој го користат милиони луѓе низ целиот свет, вчера вечер не можеше да се логира.

Имено, сервисот повторно "падна", трет пат во рок од половина година. Првиот пат тоа се случи на 24 февруари кога Google и на страниците објави дека има проблем. Дефектот беше отстранет по три часа, но меѓу корисниците на интернет ширум светот, завладеала вистинска паника, бидејќи голем број на корисници преку Gmail извршуваат работни задачи, разни трансакции и сл.

Слично на тоа, се случи и на 8 мај. Како и во февруари, Google се огласи со кратка изјава, а во неа наведе како се свесни дека дефектот предизвикува проблеми на десетици милиони нивни корисници.

[ 02-09-2009 ]

Индиски таксист вози само наназад

2009-09-01T20:12:00.005+02:00

Таксист од Батинде, Индија станал славен во својот град, откако одлучил своите услуги да ги одработува наназад. Една вечер му се скршил менувачот, па до куќата морал да одвози во рикверц, а потоа си помислил дека така може да вози постојано.

Таксистот кој работи во градот Батинде во индиската провинција Пенџаб го направил менувачот на Фиат Падмини така да има 4 брзини за рикверц и една за напред.

Имено, човекот почнал исклучиво да вози во обратна насока откако открил дека има доста талент и желба за такси акробатика.

Сето тоа започнало кога тој се враќал од забава пред шест години, и поради неисправен менувач бил принуден да се однесе до дома во рикверц - едниствена брзина која работела.

Се прогласил за шампион на возење во обратна насока, го преуредил автомобилот и одлучил да ги вози своите клиенти наназад.

- По пет години пракса ја усовршив уметноста за возење во обратна насока. Секогаш сакав да направам нешто посебно и единствено, вели лудиот таксист кој во рикверц постигнува брзина и до 80 километри на час.

Сепак, Индиецот го даде данокот на егзибиционизмот во облик на болки во вратот, грбот, и често повраќање. Во Гинисовата книга на рекорди не е запишан, бидејќи некој треба да има нон-стоп што ќе го снима, а тоа, вели, не може засега да се изврши.

Исто така, уште еден обид за овековечување на неговиот талент - добротворно возење од Раџастан во северозападниот дел до Лахоре во Пакистан - не успеа затоа што Пакистанците не го пуштиле преку граница.

Се додека не се запише во било каква енциклопедија, целиот адреналин го чува за своите клиенти во Батинде.

[ 02-09-2009 ]

Slim Taxi

2009-09-01T19:38:00.001+02:00

Колку сте заљубени?

2009-09-01T18:00:00.000+02:00

Проверете колку сте заљубени во вашиот сакан.

Грешка беше Интер што го пушти Пандев

2009-09-01T16:50:00.002+02:00

Тренерот од младиот погон на Интер, Корадо Вердели, за италијанските медиуми изјави дека било голема грешка што Интер го пуштил Пандев бидејќи видлив бил неговиот квалитет.

“Беше грешка што го пуштивме. Јас се обидов да и објаснам на управата дека не треба да продаваме играч со ваков потенцијал. Тој беше дури подобар уште тогаш од Мартинс.“

“Мурињо ќе биде доста задоволен од него бидејќи може да игра и средина и напад.“

“Со него би можеле да играме со напаѓачка тројка. Но во тој случај би отпаднал еден од Ето и Милито. А тие двајца моментално се недопирливи. Според мене со три напред ќе биде многу подобро. Милито или Ето во средина, а Пандев и Балотели десно и лево.“ - заврши Вердели.

[ 10-09-2009 ]

Видео: Момче што плаче крвави солзи

2009-09-01T16:26:00.005+02:00

Калвино Инман е 15-годишeн американец, кој наизглед не се разликува од своите врсници, но ова момче од Тенеси е медицински феномен и целосна мистерија за лекарите. Имено, од очите на Калвино дури и до три пати дневно тече крв!

- Понекогаш чувствувам само како ми навира крв во очите, исто како и солзите. Очите ми стануваат влажни, а кога крвта ќе почне да тече, секогаш очите ме печат, им раскажа момчето на американските медиуми, објаснувајќи дека крвта од очите понекогаш знае да му солзи меѓу минута и еден час.

- Моите другари мислат дека сум опседнат. Веќе сум навикнат на такви коментари, но во почетокот тоа навистина ме навредуваше, вели Калвино.

Неговата мајка, кога тој за прв пат почнал да плачи крв, доживеала шок и веднаш повикала брза помош.

- Тоа ми беше најстрашната работа која до тогаш сум ја доживеала, кога ме погледна и ме запраша: Мамо, дали ќе умрам? Во тој момент срцето ми се скрши од шок, појаснила мајката на момчето.

Таа очајнички бара начин како да му помогне на нејзиниот син и да пронајде некој лекар, кој би можел да ги запре крвавите солзи. - Ќе отидам каде било на светот и ќе направам било што, само некој нека му помогне на мојот син, рече на крајот неговата мајка.

[ 01-09-2009 ]

Одржано светско првенство во нуркање во кал

2009-09-01T15:25:00.004+02:00

Повеќе од 150 луѓе, и покрај силниот ветeр и дожд, учествуваа на традиционалното годишно Светско првенство во нуркање во кал кое се одржа во Велс.

Натпреварувачи од цела Велика Британија се собраа со цел да учествуваат во популарниот, сега веќе 20 години стар натпревар во нуркање во кал во малиот град Llanwrtyd Wells.

За прв пат на првенството учествуваше сега 74-годишниот Гордон Грин, кој воедно и го измисли натпреварувањето. Пензионерот се појави во перки, со маска и цевка за нуркање и се нурна во 55 метри долгиот каллив канал.

Целта на натпреварот е за што пократко време да се преминат два такви канали. - Мора да пливате, но всушност најчесто се користи некој кучешки стил со цевката за нуркање, маската и перките.

Некои од натпреварувачите користат костими за нуркање, но Гордон се покажа како вистински мачо фраер и не користеше заштитна опрема. Се обиде и мене да ме натера да учествувам, но не дадов да ме убеди, изјави неговата 66-годишна сопруга Дијана.

Стотици гледачи и покрај непријатните временски услови ги бодреа натпреварувачите. За учествување секој од нив плаќа по 15 фунти, а собраните пари се даваат во хуманитарни цели.

[ 01-09-2009 ]

Брутално скршена нога за време на фудбалски натпревар

2009-09-01T14:12:00.004+02:00

После толку јак удар по ногата, не верувам дека овој фудбалер некогаш повторно ќе заигра фудбал.

[ 01-09-2009 ]

Пристигна Opera 10

2009-09-01T12:43:00.004+02:00

Opera, веб прелистувачот од Норвешка, кој и покрај малиот удел на пазарот (околу два отсто глобално), секогаш донесува по некоја иновација, пристигна и до верзија 10.

Најважна новост во финалната верзија на Opera 10 е Opera Turbo, опција која го забрзува сурфањето на бавни интернет врски.

Кога оваа опција е вклучена, корисникот на веб страната се пренасочува на компримирана форма со серверот на Opera, кои ќе знаат да го ценат сите оние кои често се поврзуваат на интернет преку мобилен телефон или преку WiFi врска на слаб сигнал.

Меѓу другите новитети, тука е и новиот изглед на целиот веб прелистувач, подобрена брзина и стабилност, нова верзија на читачот на е-пошта Opera Mail, можност за персонализација Speed Dial (опции кои ви овозможуваат на брз пристап до одредени веб страници) и автоматско преземање за надградби.

Opera 10 може да ја преземете на официјалната страница.

[ 01-09-2009 ]

Чоколадото го продолжува животот

2009-09-01T12:22:00.000+02:00

Луѓето кои преживеале срцев удар треба да јадат чоколадо барем два пати неделно бидејќи на тој начин ќе се намали ризикот од смрт предизвикан од коронарни болести.

Шведско истражување покажува дека пациентите кои имале срцев удар имаат за 70 отсто помал ризик од смрт ако јадат чоколадо. Дури и ако чоколадото го консумираат еднаш неделно, се намалува ризикот од смрт речиси за половина.

Ова откритие е само дел од многуте сознанија врзани за добродетелта од овој десерт, а тоа особено се однесува на темното чоколадо.

Претходните истражувања покажале дека токму темното чоколадо го намалува ризикот од крвни згрутчувања, штити од карцином и ги заштитува трудниците од предвремено пораѓање.

Иако личностите може да преживеат срцев удар, неизбежна последица се оштетувањата кои драстично го зголемуваат ризикот од смрт поради можните кардиолошки проблеми во иднина.

[ 01-09-2009 ]

Овен продаден за рекордни 231.000 фунти

2009-08-31T21:02:00.007+02:00

Овенот со име Деверонвал Перфектниот бил продаден за неверојатни 231.000 фунти на годинашниот земјоделски саем во Шкотска. Со оваа продажба бил соборен рекордот стар 20 години.

Животното старо само шест месеци го одгледал сточарот Грахам Морисон од Шкотска, а го купил фармерот Џими Даглас. Според експертите и покрај високата цена за овенот, оваа инвестиција била повеќе од добра.

Имено, претходниот британски рекордер овенот Тофил Џое, од расата тексел, на својот сопственик му донел заработка од милион фунти, откако во 2004 година го купил за 128.000 фунти.

Инаку, светскиот рекорд досега го држела овца од расата Мерино, која во 1989 година бил продадена за 205.000 фунти во Австралија.

[ 31-08-2009 ]

Јам Јам Јам

2009-08-31T19:11:00.003+02:00

Ова слатко мало маче постојано вели Јам Јам Јам додека ја јаде неговата храна.

[ 31-08-2009 ]

Никотинска вечера

2009-08-31T17:03:00.002+02:00

Човекот кој одлучил да престане да пуши со стил и со помош на магија, проголта 200 запалени цигари. Штека цигари ја потроши во шест минути.

Магионичар од Скејрсдејл Ричи Меџик вети дека нема никогаш да запали цигара во својот живот откако во саботата го собори рекордот во голтање на никотин.

Всушност, проголта штека запалени цигари, поточно 200, во 6 минути и 3,7 секунди. Прво, ги изгаси во устата, потоа ги изжвака и на крајот ги исплука.

Педесетгодишниот Ричи пушел со децении и очигледно одлучил да ја прекине навиката со магионичарски трикови пред голем број на деца.

- Нивната реакција и ден денес ме восхитува, рече мајсторот за илузии, на кој, се плашиме, му требале многу повеќе трикови за да се одвикне од никотинот.

Но покрај магионичарски, изведбата прикажа и неколку едукативни форми.

- Децата ми рекоа дека било толку гадно што никогаш нема да почнат да пушат, вели Ричи кој сензацијата ја изведе во Rogue Magic и Fun Shop во Елмхарст во Њујорк.

[ 31-08-2009 ]

Неуспешно ТВ интервју

2009-08-31T15:05:00.007+02:00

Во оваа програма човекoт е интервјуиран за својата огромна колекција на чаши која што ја има собирано во изминатите 35 години. Најверојатно знаете што ќе се случи а ние само ќе ви кажеме што е ....

... крајниот резултат: човекот со микрофонот треба да бара нова работа а колекционерот треба да побара ново хоби.

[ 31-08-2009 ]

Будење со вода на шега заврши со нокаут

2009-08-31T14:24:00.007+02:00

Најсмешните шеги се секогаш оние шеги кои што не одат според планираното. Овој веројатно не можеше да испланира што ќе се случи.

[ 31-08-2009 ]

Одел по јаже на висина од 2.943 метри

2009-08-31T12:35:00.004+02:00

Швајцарeц кој речиси цел живот се занимава со одење по јаже, на највисоката германска планина приреди вистински спектакл - само со стап за рамнотежа во својата рака одеше на 2.943 метри надморска височина.

Фреди Нок одел по 995 метри долго јаже на планината Цугшпице во Германија, притоа користејќи само стап за рамнотежа. Околу 1.800 љубопитни луѓе го следеа неговиот 50 минутен потфат.

На моменти лудиот Швајцарец дури и заигра, а патувањето го заврши на 2.943 метри надморска височина. Нок го искористи својот потфат за да присобере над 19.000 долари за хуманитарни цели.

Неделната авантура е неговиот втор обид за соборување на рекордот на истото место затоа што првиот во саботата го упропастија лошите временски услови.

[ 31-08-2009 ]

Магична капсула за здраво срце

2009-08-31T12:12:00.004+02:00

Британските научници развиле чудотворна таблета која има бројни придобивки за организмот. Нејзината примена ќе доведе во таква состојба на организмот како да се придржувате на медитеранскиот начин на исхрана.

Една капсула Атеронон дневно го намалува талогот на масти во артериите и спречува болести на срцето и мозочен удар. Чудесната пилула би можела да спаси милиони животи.

Таблетата која ќе служи како надоместок во исхраната содржи антиоксиданс ликопен, од кој се состои доматот. Секоја таблета ќе има ефект исто како да сте изеле три килограми зрели домати.

Многу истражувања покажаа дека медитеранскиот начин на исхрана, која вклучува многу домати, риба, зеленчук, зрнести плодови и маслиново масло, значително го намалува холестеролот и помага во спречување на кардиоваскуларните болести.

Атерононот беше развиен од страна на научници од Универзитетот во Кембриџ, кои го комбинирале ликопенот со млеко од сурутка.

Капсулата пробно ја тестираа 150 пациенти со срцеви болести, кои ја земаа еднаш дневно.

Откриено е дека почнале да им се намалуваат талозите на масти во артериите во само два месеци, без несакани ефекти.

[ 31-08-2009 ]

Терапија со видео игри

2009-08-30T16:31:00.004+02:00

Нови научни докази покажуваат дека луѓето кои страдаат од стрес, помош може да побараат во едноставните видео игри како одличниот Bejeweled.

Геил Николс е педесетгодишничка од Канзас, која открила дека видео игрите помагаат во борбата против стресот и посттрауматско стресно пореметување.

Николс посебно му се заблагодарила на Bejeweled, видео игра чии автори по нејзината изјава одлучиле научно да ја испитаат и ја контактирале Кармен Расонило, директор на една клиника.

Расонило постави хипотеза спрема која луѓето на запад едноставно не можат да ја исклучат, бидејќи тие се секогаш под стрес и узбуна.

Кога сакаат да се опуштат им станува досадно, затоа што се навикнати на стресно опкружување, а играње на некои (не сите!) видео игри им нуди доволно ментални предизвици со кои ќе им ги испразни мислите.

Таква ситуација очигледно помага кај оние кои имаат проблеми со стресот и други ментални проблеми.

[ 30-08-2009 ]

Како да се заситите, а помалку да изедете?

2009-08-30T16:11:00.002+02:00

Појадокот кој осигурува изобилство на диетални влакна од 'рж го зголемува чувството на заситеност и го намалува внесувањето на храна подоцна во текот на денот, открива нова шведска студија.

Иако не е јасно зошто е тоа така, студијата јасно покажа дека диеталните влакна од 'рж постигнуваат поголема ситост одколку тоа што го прават влакната од други извори, како што е пченицата.

Потребни се дополнителни студии, но ова сознание би можело да стане многу важно оружје во борбата против дебелината, заклучиле авторите на студијата.

Пуканките како антиоксиданс

Ретко се зборува за пуканките во контекст на позитивен ефект врз здравјето, но сето тоа го промени една нова студија.

Научниците, имено, откриле дека пуканките содржат изненадувачки големи количини на полифенол, вид на антиоксиданс кој е поврзан со намален ризик од срцеви заболувања и рак. Со висока содржина на диетални влакна, а сега и антиоксиданси, пуканките стигнаа на врвот на најздрава закуска.

[ 30-08-2009 ]

Да беше жив, Мајкл Џексон ќе го славеше 51-от роденден

2009-08-30T12:22:00.005+02:00

Неколку илјади фанови на Мајкл Џексон и покрај дождот во Њујорк, во еден парк во саботата попладне го прославија неговиот 51 роденден, обележан на сите четири страни на светот.

Во почетокот на попладневните часови се собраа околу илјада луѓе во Проспект паркот во Бруклин, за да во текот на попладнето и покрај дождот бројката се зголеми на 10.000 лица.

Во Индија, неколку од најголемите ѕвезди на Боливуд, во саботата им поклонија на публиката видео снимка во чест на починатата поп ѕвезда.

Во Мексико се подготвија помеѓу 12 и 15 илјади танчери кои планираа заедно да ја одиграат славната кореографија од албумот "Трилер" од 1982 година.

Во Париз, повеќе од 2.500 фанови присуствуваа на приредбата во негова чест, со проекција на видео клипови од неговата кариера на најголемиот кино екран во Европа.

Мајкл Џексон требаше да биде погребан во саботата, на својот 51 роденден, но погребот ќе се одржи во четврток на гробиштата Форест Лон во предградието на Лос Анџелес.

Во петокот Институтот за судска медицина од Лос Анџелес во соопштението се вели дека поп ѕвездата умре на 25 јуни од "акутно труење со пропофол", силен анестетик кој беше пронајден во неговата изнајмена куќа во Лос Анџелес.

[ 30-08-2009 ]

Ноел Галагер го напушти Оазис

2009-08-29T12:17:00.005+02:00

Авторот и гитарист Ноел Галагер (42) најави заминување од британскиот рок бенд Оазис, откако имаше расправа со неговиот брат Лиам (36), со што во петокот е откажан нивниот концерт кој беше закажан за во Париз.

Ноел се извини поради откажувањето на концертите, објавувајќи дека го напушта еден од најголемите британски поп бендови поради разлики во мислењето со неговиот брат Лиам.

- Ја напуштам групата со голема тага и жалење. Луѓето можат да пишуваат што сакаат, но јас веќе не можам да соработувам со Лиам ниту еден ден, објави Ноел Галагер на интернет страната на групата.

Конфликтите помеѓу браќата Галагер траат веќе подолго време, а во последните неколку месеци воопшто и не комуницирале. На концертите доаѓале одвоено, престојувале во различни хотели, а се гледале само на сцената.

Шпекулациите за распадот на бендот се засилиле кога бил откажан нивниот настап на фестивал "В" во Шелмсфорд минатата недела. Освен на концертот во Париз за кои се продадени 30.000 влезници, требало да настапат во Италија и Германија.

Браќата Галагер ја формирале групата во Манчестер 1991 година и тие беа единствените оригинални членови кои останаа во групата уште од првиот ден. Оазис прерасна во еден од највлијателните британски рок бендови на новата генерација.

Во целиот свет имаат продадено повеќе од 50 милиони албуми. Во нивните успеси се вклучени и осум британски број еден синглови.

[ 29-08-2009 ]

Официјално: Мајкл Џексон е убиен!

2009-08-29T11:47:00.004+02:00

По неофицијалните гласини, стигна и потврдата: судскиот вештак од Лос Анџелес официјално потврди дека Мајкл Џексон е убиен!

- Причина за смртта е акутно труење со пропофол. Го прогласивме начинот на кој Мајкл Џексон умре: убиство, изјави во Лос Анџелес судскиот вештак кој ја спроведе аутопсијата.

Во телото на Џексон е пронајдена смртоносна доза на многу силен лек за ублажување на болка, пропофол. Полицијата за сега најмногу се сомнева на д-р Конрад Мареј, личниот лекар на Џексон, но тој не беше осомничен и за време на испитувањата постојано тврдеше дека не сторил ништо лошо.

Освен пропофолот, во телото на Мајкл Џексон се пронајдени и лековите мидазолам, диазепам, лидокаин, лоразепам и ефедрин.

[ 29-08-2009 ]

Луди девојки 3

2009-08-28T20:34:00.002+02:00

Следува третиот дел од Луди девојки, со уште по секси и по жешки девојки.

[ 07-09-2009 ]

Тепачка помеѓу кошаркарите на Мексико и Уругвај

2009-08-28T16:33:00.008+02:00

Еден лош фаул и една убава, пријателска кошаркарска игра се претвора во кошаркарска тепачка.

[ 28-08-2009 ]

Прва слика од атомска врска

2009-08-28T15:57:00.009+02:00

Дали се сеќавате на визуелните прикази на молекули од часовите по хемија? Топки, поврзани со прави линии? Научниците од IBM успеале за прв пат да направат фотографија на атомски врски и, да, тоа навистина така изгледа.

На научниците од IBM ова им успеало користејќи микроскоп на атомски сили, а како тоа обично се случува кога станува збор за атомите, "фотографијата" која ја гледате баш и не е фотографија во вистинска смисла на зборот.

На сликата гледаме молекул на пентацен, а за да го добие нејзиниот визуелен приказ, микроскопот 20 часа мирувал само на 0,5 нанометри од неа.

Иако знаевме дека тие јаглеродни и водородни атоми изгледаат отприлика вака, ова е прв пат што имаме доказ во форма на фотографија. Вредноста на ова постигнување е немерлива, затоа што на научниците ќе им овозможи полесна манипулација со самите атоми во молекулите.

[ 28-08-2009 ]

Пад со скутер

2009-08-28T15:46:00.008+02:00

Ако се обидеш да ги импресионираш твоите пријатели со вашиот скутер осигурај се дека не си тотален морон.

[ 28-08-2009 ]

Неверојатни фотографии 2

2009-08-28T15:02:00.000+02:00

Сè уште е неверојатно колку неверојатна е оваа неверојатна колекција на фотографии!

[ 13-09-2009 ]

Мирисот на искосената трева го намалува стресот

2009-08-28T13:24:00.004+02:00

Научниците откриле дека хемиското соединение кое го ослободува свежо искосената трева предизвикува луѓето да се чувствуваат посреќни и поопуштени, а би можел да го спречи губењето на меморија во староста.

После седум години истражување, австралиските научници откриле еден парфем кој мириса како свежо искосена трева, а помага во ослободување од стресот и зајакнување на човечката меморија.

Тој мирис делува директно на мозокот, особено на делот одговорен за емоциите и меморијата. На идејата за создавање на парфемот дојде д-р Ник Левидис, невролог од Универзитетот во Бризбејн, а го нарече Serenascent.

За истражување на овој феномен го инспирирал излетот во националниот парк Yosemite, како и соседот кој му зборувал за тоа колку прекрасно мириса кога ќе ја искоси тревата во својата градина.

Мирисот спрема зборовите на д-р Левидис делува на амигдалот и хипокампот, во кои се наоѓаат центрите за чувства и меморија. - Тоа се делови на мозокот поврзани со активноста на ендокриниот систем, а овој мирис може да воспостави рамнотежа во лачењето на хормоните, како што се кортикостероидите, рече тој.

Мирисот има "пријатна арома на свежо искосена трева или пак густа шума", а би требало да почне да се произведува следниот месец. Неговата цена ќе биде околу десетина долари, а може да се користи како мирис за домот или облека.

Во соработка со Розмари Ајнштајн, д-р Левидис ќе се обиде да ги совпадне елементите на тие хемиски соединенија и разни други производи.

[ 28-08-2009 ]

Рекордер: Со 17 години го препловев светот

2009-08-28T12:06:00.008+02:00

Седумнаесетгодишен Британец во четвртокот, по девет месеци едрење, ја освои титулата на најмлада личност кој сам во едрилица го преплови светот, со повеќе застанувања на брегот и со помош на екипи од соработници во придружниот брод.

Мајк Перхам во четвртокот околу 11 часот по средноевропско време помина под Кеп Лизард, најјужната точка на Англија, објавија неговиот тим и крајбрежната стража, и така го заврши патувањето околу светот, кое започна во ноември 2008 година.

Со 17 години и 164 дена, младиот човек така го сруши рекордот кој го постави Американецот Зек Сандерленд, исто така седумнаесетгодишен, но сепак два месеци постар од Перхам, кој минатиот месец го заврши патувањето околу Земјата, според Гинисовата книга на рекорди.

Мајк Перхам уште во јануари 2007 година беше најмладата личност кој сам го преплови Атлантикот. Тогаш имаше 14 години. Во неговата петнаесетметарска едрилица Перхам помина повеќе од 26.000 наутички милји за нешто повеќе од 150 дена на море.

Патувањето го однесе во Португалија, Јужноафричка Република, Австралија и Нов Зеланд. Но, не го препловел р' тот Хорн на крајниот југ на Јужна Америка, поради лошите временски услови, па го поминал Панамскиот канал.

- Успеав, го остварив мојот сон. Не можам да дојдам при себе, рече младиот морнар. Според Гинисовата книга на рекорди, најмладата личност кој сам го препловел светот, но без застанувања и без помош од страна, сеуште е Австралијанецот Џеси Мартин, кој на крајот од 1998 година како осумнаесетгодишен го преплови светот за 327 дена.

[ 28-08-2009 ]

Google нуди повеќе од еден милион бесплатни е-книги

2009-08-27T15:41:00.003+02:00

Google годинава собира книги на кои им се истечени авторските права и ги дигитализира. Книгите се нудат во познатиот PDF и во EPUB форматот, прилагодени за електронските читачи.

Google спроведува многу амбициозен, но вреден проект за дигитализација на книги на кои им се истечени авторските права. Тоа се главно постари дела кои во хартиена форма дефинитивно ќе пропаднат после некое време, а во дигитален облик стануваат достапни за секого.

Интернетскиот гигант позајмува книги од библиотеките низ целиот свет и ја фотографира секоја страница, а потоа ги комбинира во една голема слика од која ќе извлечи текст со OCR софтверот.

Google чува оригинална дигитална фотографија во својата архива, а извлечениот текст го претвора во HTML, PDF или EPUB.

Најинтересен е EPUB форматот, затоа што се прилагодува на сите популарни електронски читачи, а се работи за отворен и бесплатен стандард кој засега најдобро го подржуваат електронските читачи на Sony.

Подршката за отворениот стандард на форматот за електронски книги веројатно ќе може да се додаде и во другите читачи, но тоа првенствено зависи од нивните производители.

Google Books

[ 27-08-2009 ]