![](http://www.taratur.com/files/21.01delMolino1.jpg)
При археолошките ископувања кај Мурсија, во југоисточниот дел од земјата, е откриена најголемата праисториска гробница во Шпанија. Археолошкото наоѓалиште Камино дел Молино содржи остатоци од најмалку 1.300 лица погребани помеѓу 2.400 и 1950 година пред новата ера.
Регионалниот советник за култура и туризам Педро Алберто Крус наведе дека тоа е шпанска праисториска гробница на која се пронајдени најголем број човечки остатоци.
![](http://www.taratur.com/files/21.01delMolino3.jpg)
„Откривањето на гробницата ќе овозможи по прв пат да се проучи комплетната популација на некој праисториски локалитет со такви димензии и да се одговорат прашањата околу староста и времето на смртта, патологијата, болестите, навиките и исхраната на секој жител“, се додава во соопштението од регионалната влада.