HD видео на iPhone 3GS

Во службените спецификации на iPhone 3GS пишува дека уредот е во состојба да прикаже видео материјал со резолуција од 640x480 пиксели. Но, со некои ситни проблеми, некои момци од ...

... еден кинески форум покажале дека и видео исечоците во HD резолуција работат прилично добро.

- Знаеме дека iPhone има брз процесор, но до сега не знаевме дека тој телефон може да прикажува HD материјали (резолуција 1920x1080). Знаевме дека светот нема да ни верува, па поради тоа нашето видео го објавивме на познат кинески форум, изјавија програмерите.

Со помош на бесплатните апликации под името FileAid можете да ги заобиколите рестрикциите на Apple и да гледате HD видео.

Engadget тестирал неколку видео исечоци и потоа потврдил дека на iPhone 3GS може да се гледаат HD видео материјали. Сега само ни останува да се надеваме дека Apple ќе ги тргне сите рестрикции и ќе дозволи да гледаме HD видео без користење на заобиколни методи.

[ 22-08-2009 ]

Мобилен во облик на телефонска говорница

Кој бил во Лондон, не можел а да не ги забележи црвените телефонски говорници кои се една од најпрепознатливита икона на овој град. Со оглед на тоа дека телефонските говорници се помалку се користат, некој одлучил да има даде модерен облик - мобилен телефон.

Уредот на фотографијата се вика London Calling Mobile Phone, има LCD екран во боја, можност за испраќање SMS и MMS пораки, три-band GSM, GPRS i WAP. Доколку овие спецификации ви изгледаат смешни, во право сте: веќе од сликата е јасно дека всушност станува збор за сувенир кој ретко некој навистина ќе го користи како примарен мобилен.

Цената е околу 86 фунти; не е страшно, но ако се земе во обзир дека за помалку пари може да се купи значително понапреден телефон, мора навистина да го сакате Лондон и неговите телефонски говорници па за да го купите ова чудо.

Сподели                                                                                                                 [ 20-07-2009 ]

Како изгледа кога ќе полета iPhone

Ах, тој iPhone - за некои потребен предмет, а за некои предмет кој ќе го заврзат за авион на далечинско управување и ќе го пуштат во воздухот со прилично голема шанса дека ќе се уништи.

Што навистина се случило со iPhone-от во текот на летот и после слетувањето, нема да ви откриеме, ќе мора сами да го погледнете видеото. Камерата на новиот iPhone 3GS (знаеме дека станува збор за новиот модел затоа што од снимката очигледно е дека камерата има автофокус) направи солидна работа, очекувавме повеќе тресење и попречување, но сликата е прилично чиста.

За автентичноста на самиот видео исечок, секогаш постојат одредени сомнежи, но оваа снимка изгледа прилично реална. Погледнете и осудете сами.

Сподели                                                                                                                 [ 17-07-2009 ]

Мистериозен мобилен од LG

Компанијата LG ни подготвува нешто необично: телефон кој изгледа како издолжен iPhone, со ознака Black Label BL40. Спецификациите се одлични, но како сето заедно ќе изгледа практично останува да видиме.

Иако веста потекнува од нофицијални фотографии кои се појавиле на еден германски форум, се чини дека се автентични. Овој уред со ознака Black Label BL40 наводно има камера со резолуција од 5 мегапиксели со Schneider Kreuznach оптика, WiFi, FM радио и 335 MB простор за меморија.

Она што излегува од сите стандарди е екранот, кој е со резолуција од 800 x 345 пиксели, што го прави прилично неупотреблив, пример за гледање на видео содржини. Но кој знае што ни спрема LG, можеби станува збор за луксузен уред кај кој дизајнот и посебното чувство кои ги пружи, ќе бидат поважни од практичноста.

Сподели                                                                                                                 [ 16-07-2009 ]

Метално куќиште за iPhone

Ако ниедно пластично куќиште не е доволна заштита за вашиот iPhone, можеби е време да размислите за нешто поцврсто, и многу, многу потешко.

Компанијата EXOvault ги произведува овие метални куќишта за iPhone, а се прават од алуминиум, месинг и титаниум. Звучи претешко и невешто, скинати џепови ви се загарантирани, но ако навистина ви треба цврсто куќиште, подобро од ова нема да најдете.

Цената е 95 долари за алуминиум и месинг и 300 долари за титануим. Можеби би било подобро да најдете некој ваш пријател што ќе ви изработи нешто вакво за порција ќебапи и шише вино.

Сподели                                                                                                                 [ 15-07-2009 ]

Nokia претстави мобилен отпорен на вода и прашина

Nokia претстави нов мобилен со релативно скромни можности, но затоа пак отпорен на надворешните влијанија, пред се од вода и прашина. За разлика од останатите уреди од овој вид, овој изгледа доста добро.

Nokia 3720 може да се пофали со подршка за EDGE, камера со резолуција од 2 мегапиксели (со блиц), FM радио, Bluetoothom 2.1 и можност за проширување на меморијата со microSD картичка.

Не е лошо, но не и ни спектакуларно; но кога ќе слушнете дека 3720 може да го извалкате во прашина или да му истурите вода и да не му се случи баш ништо, а сето ова за околу 125 евра, работите веќе подобро звучат. Штета е што овој уред веројатно нема да се појави на домашниот пазар на време за да го купите и да го однесете на море.

Сподели                                                                                                                 [ 10-07-2009 ]

Мобилен и рачен часовник во едно

Впрочем, и порано постоеа вакви обиди, но се чини дека компанијата LG одлучила озбилно да зачекори во водите на произведување на мобилни телефони и часовници во едно, а прв таков уред би требало да се појави на пазарот во август.

Прво што вреди да се примети е фактот да LG-евиот часовник, кој во Велика Британија ќе се продава под закрила на Orange, има екран осетлив на допир. Бидејќи станува збор за прилично мал екран, не сме сигурни колку сето ова ќе биде практично (читај: нема воопшто), но овој пат можеби нема да биде ни толку важно.

Наводно, LG и Orange, се чини, нема да го наметнат овој уред на најмасовната публика, веќе, веројатно ќе станува збор за ексклузивен скап уред за оние кои сакаат нешто посебно и не се колебаат дали да го платат.

Што се однесува до останатите можности, сите детали не се познати, но тука е Bluetooth, HSDPA поврзување за можност за правење видео разговори.

Сподели                                                                                                                 [ 07-07-2009 ]

Бизарно фото куќиште за iPhone

Фабриката Factron претстави куќиште за iPhone кое тој убав уред ќе го претвори во, па, нешто не толку убаво, но ќе му даде можност за квалитетно фотографирање со променливи објективи.

Променливи објективи на iPhone? Самите проценете колку има тоа смисла, но луѓето од Factron се потрудиле понудувајќи макро, леќа од риба, и широкоаголен објектив. Иако мали, објективите изгледаат прилично озбилно, што можете да видите од самата слика.

Секако, за да можи да ги користите ќе мора вашиот iPhone да го ставите во Фактроновото куќиште кое во еден дел не потсеќа на steampunk естетика, а другиот на старите компактни фотоапарати од седумдесетите, а третиот на табакера. Но правите фото-ентузијасти ќе жртвуваат малку визуелна убавина поради квалитетните фотографии.

Сподели [ 07-07-2009 ]

Наскоро универзален полнач за мобилни

Во 2010 еден полнач за различни типови мобилни телефони. Повеќе нема да биде неопходна „збирка од полначи“. Под притисок од Комисијата на ЕУ, водечките производители на мобилни телефони и полначи за нив се договорија за воведување единствени стандарди на приклучните делови.

Таква ситуација веројатно веќе сте доживеале, можеби и повеќе пати: на работа, или уште полошо, на одмор, далеку од дома, забележувате дека сте заборавиле да го понесете полначот за вашиот мобилен телефон. Лутината е дотолку поголема, кога ќе констатирате дека приклучокот од полначот на оние, кои биле љубезни и сакале да ви помогнат, едноставно не одговара на вашиот телефон.

Комесарот на ЕУ за индустрија, Германецот Гинтер Ферхојген , не мораше долго да бара - во фиоката од неговата работна маса веќе имаше насобрано повеќе полначи за мобилни телефони.

„Ова ме лути!“, вели тој. За секој мобилен телефон - различен полнач, ваквата состојба во ЕУ треба од почетокот на наредната година да стане минато. „Смислата на намерата е да се спречи насекаде да стојат десетици такви уреди“, објаснува Ферхојген.

Производителите треба тоа вака да го изведат: наместо различни приклучоци, од наредната година речиси сите нови уреди треба да бидат опремени со микро ју-ес-бе штекер, какви што веќе се користат за таканаречените смартфоун или за лаптоп-компјутери. Десетте најважни производители на мобилни телефони се самообврзаа на ова пред еврокомесарот Ферхојген. Но, тоа не беше сосем доброволно сторено, оти тој пролетоска се закани дека во спротивно ќе предложи да биде донесен соодветен закон. „Претпријатијата имаа различни интереси и различни стратегии и не беше едноставно да се донесат на една заедничка стратегија. Но, мислам дека заканата со законодавецот им помогна во тоа“, вели Гинтер Ферхојген.

Работава со приклучоците на полначите му помага и на еврокомесарот за индустрија за добар крај на неговиот мандат - тој наскоро си заминува од Брисел, по пет години поминати на функцијата - и еден куп полначи за мобилни телефони!

[ 01-07-2009 ]

iPhone 3G S се продаде во милион примероци

Американскиот информатички гигант „Apple“ викендов, само неколку дена по лансирањето на својот нов „iPhone 3G S“, успеа да продаде милион примероци, јавија светските агенции.

„Apple“ исто така соопшти дека за неколку дена шест милиони пати е преземен новиот оперативен систем за iPhone – „iPhone OS 3.0“.

Голем број аналитичари беа убедени дека „iPhone 3G S“ нема да се продава така добро како „iPhone 3G“ поради малите разлики меѓу двата модела, како и поради тоа што „Apple“ слабо ја рекламираше новата верзија на телефонот.

Соопштението за печат за остварениот успех на „iPhone 3G S“ вчера го потпиша главниот извршен директор на „Apple“ Стив Џобс, кој на овој начин после долго боледување, после пресадување на црниот дроб, повторно се врати на работа.

Џобс изјави дека „корисниците гласале и оти iPhone победил“.

Најотпорен мобилен во светот

Ветеранот истражувач Сер Ренолф Фиенс (65) од рацете го испушти мобилниот телефон за кој се верува дека е „најжилавиот“ на свет.

Фиенс, кој неодамна стана најстариот Британец кој се качи на Монт Еверест, го повикаа да го тестира телефонот за кој е предвидено да биде подеднакво отпорен како возилото марка Land Rover S1.

Како што наведуваат дизајнерите на мобилниот Sonim, овој висококвалитетен телефон креиран е за потребите на оние кои работат и престојуваат надвор од својот дом и во тешки услови.

Првиот мобилен IP-67 тестиран е на прашина, кал, нечистотија и удари. Докажано е дека телефонот е водоотпорен и може да издржи половина метар под вода цели 30 минути. Исто така е неосетлив на екстремни удари, па дури и на притисок до 400 килограми.

Телефонот чини околу 350 евра и доаѓа со водоотпорна камера од 2 мегапиксели, вграден блиц, GPS и ФМ радио.

-Кога почнавме да го создаваме телефонот, немаше стандард според кој би го тестирале, па така го осмисливме и тоа. Го тестиравме и Land Roverom S1 за да бидеме сигурни дека е особено квалитетен и оти нема да не изневери кога најмногу ни треба, вели Боб Плешк од „Sonim Technologies“.

Станете вистински уметник со iArt апликацијата за iPhone

Изгледаат како слики од галерија но овие мали уметнички дела верувале или не се креирани на 3,5 инчен екран од iPhone.

Сликите се создадени со помош на апликацијата Ј2.99 наречена Brushes (четки) која станува глобален хит.

Апликацијата ги регистрира сите движења на прстот па подоцна можете да гледате како се формира уметност.

-Има најразлични опции –едноставно одбирам една и започнувам со сликање, вели Стив Аплин британски иселеник од Калифорнија. Според него тоа е како сликање со раце но без неред.

Несомнено оваа нова iArt станува актуелна низ целиот свет.

Два нови телефони од LG

LG претстави два нови мобилни телефони - моделот GT500, кој располага со голем дисплеј осетлив на допир, и GW550, телефон со комплетна QWERTY тастатура.

LG GW550 доаѓа со 2.4 инчен QVGA екран и Windows Mobile 6.1 оперативен систем со поддршка за HSPA. Од останатите опции, тука е и 3 мегапикселната камера, поддршката за Bluetooth поврзување, стерео звучниците и отворот за microSD мемориска картичка.

LG GT500 располага со 3 инчен дисплеј осетлив на допир и резолуција од 400х240 пиксели, и како што велат производителите - наменет е за сите корисници кои имаат потреба за квалитетен GPS уред.

Телефонот доаѓа со претходно инсталирана WisePilot навигација и вграедн GPS приемник, но лошата вест е тоа што лиценцата за користење на софтверот за навигација е бесплатна само еден месец - по што ќе мора да се плати за понатамошно користење. Овој телефон има S-class интерфејс (исто како и LG Arena), а доаѓа и со поддршка за WiFi, HSDPA и 5 мегапикселна камера.