Екстремни преселувачи

Никогаш не ги изнајмувајте овие момци ако сакате да ги преместите вашите скапоцени предмети.

[ 03-10-2009 ]

Девојче ја ставило баба си на аукција

Интернет страницата за онлајн аукција „eBay“ го повлече огласот на десет годишното девојче од Велика Британија, кое сакало да ја продаде својата баба.

Зои Пемблтон ја ставила својата 61-годишна баба на продажба, наведувајќи дека „повеќе не може да го поднесе нејзиното постојано приговарање, нејзините изливи на нежност и нејзината посветеност на решавањето крстозбори“.

Девојчето не назначило почетна цена, но и пристигнале 27 понуди, од кои највисоката изнесувала две илјади фунти, пред „eBay“ да го повлече огласот.

- Имаме строги правила кога станува збор за продавање луѓе, се наведува во соопштението на „eBay“, во кое се додава дека огласот не бил ставен со зла намера и оти бабата била запознаена со неговото постоење.

[ 01-10-2009 ]

50 години возел автомобил без возачка дозвола

Полицијата во Сиднеј застанала 67 годишен возач и утврдила дека нема дозвола, но тој им признал и дека веќе 50 години вози без положен возачки испит.

Сообраќајниците го застанале сосема случајно, затоа што не застанал на местото каде што тој морал тоа да го направи поради сообраќајниот знак.

Тој мора да се појави пред судот во октомври и да објасни зошто се возел без дозвола уште од времето кога Двајт Ајзенхауер бил претседател на САД.

[ 16-09-2009 ]

Фармер пронашол јајце во јајце

Фармер од Велика Британија зготвил јајце за појадок и токму кога се припремил за јадење, и го отворил, го дочекало изненадување. Во свареното јајце пронашол уште едно јајце.

- Се занимавам со одгледување на кокошки цел живот, и вакво нешто никогаш во животот не сум видел и не сум ни чул, изјавил за британските медиуми 40 – годишниот Џеф Тејлор. Тој додал дека досега има видено јајца со по две жолчки, но ова за него претставува вистинско чудо.

- Преку интернет дознавме дека вакво нешто последен пат е забележано во далечната Јапонија, истакнал Тејлор.

Даглас Расел од британскиот Природно Историски Музеј изјавил за магазинот The New Scientist дек во својата кариера како куратор на музејот наишол на многу чудни примероци на јајца.

- Дупли јајца се поретки од оние со по две жолчки, и никој всушност не знае како настануваат, и тие веќе стотици години, објаснил Расел.

[ 02-09-2009 ]

Видео: И испаднале градите за време на ролеркостер возење

Оваа храбра девојка станала "несреќна" интернет сензација, откако за време на нејзиното возење на ролеркостер нејзините гради сакале да се ослободат.

[ 02-09-2009 ]

Видео: Момче што плаче крвави солзи

Калвино Инман е 15-годишeн американец, кој наизглед не се разликува од своите врсници, но ова момче од Тенеси е медицински феномен и целосна мистерија за лекарите. Имено, од очите на Калвино дури и до три пати дневно тече крв!

- Понекогаш чувствувам само како ми навира крв во очите, исто како и солзите. Очите ми стануваат влажни, а кога крвта ќе почне да тече, секогаш очите ме печат, им раскажа момчето на американските медиуми, објаснувајќи дека крвта од очите понекогаш знае да му солзи меѓу минута и еден час.


- Моите другари мислат дека сум опседнат. Веќе сум навикнат на такви коментари, но во почетокот тоа навистина ме навредуваше, вели Калвино.

Неговата мајка, кога тој за прв пат почнал да плачи крв, доживеала шок и веднаш повикала брза помош.

- Тоа ми беше најстрашната работа која до тогаш сум ја доживеала, кога ме погледна и ме запраша: Мамо, дали ќе умрам? Во тој момент срцето ми се скрши од шок, појаснила мајката на момчето.

Таа очајнички бара начин како да му помогне на нејзиниот син и да пронајде некој лекар, кој би можел да ги запре крвавите солзи. - Ќе отидам каде било на светот и ќе направам било што, само некој нека му помогне на мојот син, рече на крајот неговата мајка.

[ 01-09-2009 ]

Овен продаден за рекордни 231.000 фунти

Овенот со име Деверонвал Перфектниот бил продаден за неверојатни 231.000 фунти на годинашниот земјоделски саем во Шкотска. Со оваа продажба бил соборен рекордот стар 20 години.

Животното старо само шест месеци го одгледал сточарот Грахам Морисон од Шкотска, а го купил фармерот Џими Даглас. Според експертите и покрај високата цена за овенот, оваа инвестиција била повеќе од добра.

Имено, претходниот британски рекордер овенот Тофил Џое, од расата тексел, на својот сопственик му донел заработка од милион фунти, откако во 2004 година го купил за 128.000 фунти.

Инаку, светскиот рекорд досега го држела овца од расата Мерино, која во 1989 година бил продадена за 205.000 фунти во Австралија.

[ 31-08-2009 ]

Одел по јаже на висина од 2.943 метри

Швајцарeц кој речиси цел живот се занимава со одење по јаже, на највисоката германска планина приреди вистински спектакл - само со стап за рамнотежа во својата рака одеше на 2.943 метри надморска височина.

Фреди Нок одел по 995 метри долго јаже на планината Цугшпице во Германија, притоа користејќи само стап за рамнотежа. Околу 1.800 љубопитни луѓе го следеа неговиот 50 минутен потфат.

На моменти лудиот Швајцарец дури и заигра, а патувањето го заврши на 2.943 метри надморска височина. Нок го искористи својот потфат за да присобере над 19.000 долари за хуманитарни цели.

Неделната авантура е неговиот втор обид за соборување на рекордот на истото место затоа што првиот во саботата го упропастија лошите временски услови.

[ 31-08-2009 ]

Терапија со видео игри

Нови научни докази покажуваат дека луѓето кои страдаат од стрес, помош може да побараат во едноставните видео игри како одличниот Bejeweled.

Геил Николс е педесетгодишничка од Канзас, која открила дека видео игрите помагаат во борбата против стресот и посттрауматско стресно пореметување.

Николс посебно му се заблагодарила на Bejeweled, видео игра чии автори по нејзината изјава одлучиле научно да ја испитаат и ја контактирале Кармен Расонило, директор на една клиника.

Расонило постави хипотеза спрема која луѓето на запад едноставно не можат да ја исклучат, бидејќи тие се секогаш под стрес и узбуна.

Кога сакаат да се опуштат им станува досадно, затоа што се навикнати на стресно опкружување, а играње на некои (не сите!) видео игри им нуди доволно ментални предизвици со кои ќе им ги испразни мислите.

Таква ситуација очигледно помага кај оние кои имаат проблеми со стресот и други ментални проблеми.

[ 30-08-2009 ]

Чудовиштето од Лох Нес на Google Earth?

Младиот чувар од англискиот град Нотингем тврди дека на сателитската снимка видлива преку Google Earth, го открил легендарното чудовиште од Лох Нес. Научниците се заинтригирани од идејата, велејќи дека случајот треба подобро да се истражува.

Џејсон Куки (25) ја забележал Неси сурфајќи преку сателитските снимки на веб-страниците, а за британскиот The Sun изјави: "Не можев да верувам. Совршено одговара на описот на Неси". На сликата е видливо суштество со должина од околу 20 метри под површината на водата.

Пред некое време медиумите известија дека е можно чудовиштето од Лох Нес да не ги преживеало климатските промени, бидејќи повеќе од една година не биле "веродостојни гледања" на чудовиштето.

За животното чие постоење сеуште не е утврдено првпат се слушна 1933 год. , откога е тема на многу приказни, легенди и визии, но најмногу измами.

Исто така, многу пари беа потрошени на истражување на феноменот, последен пат минатата година кога научниците со помош на звучни радари и подводни камери се обидуваа да го најдат чудовиштето. Безуспешно, секако.

[ 26-08-2009 ]

Пронајдено бебе вонземјанин во Мексико

Од Мексико доаѓа уште еден интересен случај, кој сигурно ќе предизвика љубопитност и оние кои веруваат во вонземски живот, но и оние кои се скептични во тој поглед.

Имено, на оваа видео снимка се гледа суштество кое што повеќе личи на нешто што не доаѓа од нашата планета, а дали станува збор за автентично суштество или многу елаборирана измама - пресудете сами.


Случајот на наоѓање на мртво бебе вонземјанин го пренесе и мексиканската телевизија, наведувајќи дека е најдено во замка за животни. Jaime Maussane, ТВ ѕвезда и уфолог, на своето шоу прикажувајќи ги сликите од тоа суштество на јавноста, додавајќи дека тој верува дека се работи за автентичен вонземски вид, а не за измама.

За ова спектакуларно откритие, Maussane научил од фармерите во оддалечените делови на Мексико, а пронајденото суштество го даде на тестови - ДНК анализа и магнетна резонанца.

Фармерите кои го пронајдоа суштеството, му рекле дека во моментот кога го пронашле било живо и дека многу гласно вриштело пред да умре. Резултатите од тестирањето покажуваат дека овој вид не постои на Земјата, пишува "Билд".

Иако малото суштество покажува карактеристики на гуштер, тоа покажува и некои карактеристики на човечкиот вид. Мозокот на суштеството е доста голем, посебно во задниот дел на черепот, кој е, на пример, одговорен за учењето и меморијата кај луѓето. Научниците врз таа основа заклучиле дека се работи за многу интелигентен вид.

[ 25-08-2009 ]

Одел по скршено стакло 30 километри

Маж од Јоркшир постави нов светски рекорд во одење по скршено стакло. Му требале малку повеќе од 27 и пол часа да помине скоро 30 километри, а сето ова за хуманитарни цели.

Нигел Јардин (56) од Лидс за еден час поминал повеќе од еден километар по круг на скршено стакло во ресторанот Bageecha во Horsforthu, рушејќи го предходно поставениот рекорд од 960 метри. Спортскиот тренер продолжил и во следните 27 часа и поминал скоро 30 километри!

- Се навикнав да одам по стакло, но мислам дека муштериите во ресторанот не се навикнати тоа да го гледаат бидејќи секогаш го одвраќале погледот, рече Јардин. На секој час имал пауза од пет минути каде што можел нешто да се напие или да се одмори.

Се осмелил на потфатот затоа што собраните пари ќе одат во хуманитарната асоцијација за деца Action for Children, а како дете во училиште и дома бил и физички и психички малтретиран.

[ 24-08-2009 ]

Белгиец и Французин поделија џекпот од 75 милиони евра

Белгиец и Французин ќе поделат лото добивка од 75.140.660 евра уплатени во девет земји каде се игра Euro Millions, чие извлекување беше вчера навечер емитирано на француската ТВ станица TF1.

Единствено тие двајца ги добиле исправните седум броеви после четири извлекувања без добитник. Секој ќе добие чек од 37.570.330 евра. Францускиот добитник ливчето го уплатил во Корзика.

Во Белгија таа добивка претставува трета по ред најголема во историјата, а во Франција седма. Историскиот рекорд на Euro Millions од 8 мај 2009 год. го држи младата Шпањолка која освои 126.231.764 евра.

[ 22-08-2009 ]