Замислете мени во кое што пишува Викторија Бекам за двајца, Мерлин Монро за носење или Барак Обама на парче. Верувале или не, станува збор за вистинска приказна.
Пруденс Стејт и нејзините соработници се уметници во кујната. Со помош на сирење, лук и друг зеленчук овие Британци “сликаат на чинија” додека од чоколадо изработуваат мини автомобили, делови од мебел и шаховски табли со сите фигури.
Сепак најголемата атракција на овие уметници е изработката на пици со ликови на познати актери, пејачи и политичари.
Портретите на Тони Блер, Елизабета II, Сузан Бојл и многу други се подготвени од истите состојки од кои што се прави вообичаена пица.
Пицата на Викторија Бекам е направена од маслинки и други солени плодови, а моцарелата и биберот се карактеристични за пицата Тони Блер, додека во Барак Обама преовладуваат пченка и шунка.
