Иако од бројни неофицијални извори веќе дознавме и објавивме дека новиот Windows 7 ќе пристигне до крајот на годинава, истата информација сега ја потврди и Microsoft.Претходниот став на компанијата беше дека новата верзија на оперативниот систем ќе се појави на крајот на оваа или на почетокот на следната година, но издавањето на бета верзијата која го задоволи поголемиот дел од корисниците и набрзо после тоа и Release Candidate верзијата, јасно сугерираа дека официјалната верзија на Windows 7 би можеле да ја видиме уште оваа година.
Со оваа верзија на нивниот оперативниот систем, во Microsoft се надеваат дека ќе ги корегираат грешките поради кои Vista едноставно не беше доволно user-friendly за поголемиот дел корисници.
Во Microsoft веруваат дека голем број од корисниците ќе ја прифатат "седмицата" и ќе започнат да ја користат наместо Vista, но и Windows XP - кој и понатаму е исклучително популарен меѓу корисниците.
