На интернет форумите се проширија шпекулации дека Sony Ericsson, освен новиот PlayStation Portable наводно планира да претстави PlayStation телефон.
Претседателот на Sony Ericsson Хидеки Комијама во интервјуто за „Financial Times“ соопшти дека неговата компанија разгледува различни планови и потези кои би и помогнале да ја поправи својата заслабната позиција на пазарот на мобилните телефони.
На прашањето, дали тоа значи и работа на PlayStation телефон, Комијама изјави дека и тоа би можело да се случи.
Оваа негова изјава ќе придонесе во иднина да слушаме/читаме разни (лажни) најави за PSP телефон и да гледаме различни концепти за тоа како овој уред би требало да изгледа.
