Либискиот лидер Моамер Гадафи ја поздрави „новата ера“ во односите меѓу неговата земја и Италија при својата прва посета на Рим, откако дојде на власт во 1969 година.Гадафи го поздрави италијанскиот премиер Силвио Берлускони за „историската одлука“ да се извини за сите непријателства за време на 30-годишното колонијално владеење на Либија од 1911 до 1941 година. Минатата година Италија се согласи да и исплати на северноафриканската држава отштети во износ од пет милијарди долари под форма на инвестиции во инфраструктурата.
Берлускони изјави на прес-конференција, дека со либискиот лидер го поврзува „вистинско и длабоко пријателство“ и го оцени како мудар човек.
- Италија е единствената поранешна колонијална држава која веќе не можеме да ја обвинуваме. Таа расчисти со своето империјалистичкото минато“, изјави Гадафи.
Берлускони, од своја страна изјави дека една долга и болна страница од односите со Либија е затворена. Тој истакна дека двајцата лидери се согласиле Либија да доставува поголемо количество нафта на Италија, а италијанските фирми да бидат во привилегирана положба во инфраструктурните проекти во Либија.
