Windows 7 ќе се продава во шест различни верзии, од кои најбитни се Windows 7 Home Premium, која е наменета за домашни корисници и Windows 7 Professional, наменета за деловни корисници.
Microsoft конечно објави во кои се' верзии ќе може да се набави нивниот најнов оперативен систем Windows 7. Компанијата ќе издаде вкупно шест различни верзии од овој ОС, но највеќе ќе се ориентираат на две од нив - Windows 7 Home Premium, наменет за домашни корисници и Windows 7 Professional, наменет за деловни корисници и компании.
Microsoft ќе издаде уште две "посиромашни" верзии на новиот Windows - Home Basic и Starter. Starter верзијата е наменета за продажба во земјите во развој, додека Home Basic ќе се продава на целиот пазар. За деловните корисници Microsoft ги подготви уште Enterprise и Ultimate верзиите, кои ќе имаат додатни сигурносни опции и некои други алатки со кои нема да располагаат останатите верзии на новиот Windows 7.
