Компанијата CompuLab го претстави својот нов компјутер Fit-PC2, кој е моментално најмалиот PC во светот со димензии 115х101х27 милиметри. Fit-PC2 доаѓа со веќе инсталиран OS Linux (Ubuntu 8.04), или Windows XP.
Fit-PC2 е базиран на Intel Menlow платформа и се "вози" на Atom Z530 процесор. Располага со 1GB рам меморија, 160GB хард диск, Gigabit Ethernet-Card, Wi-Fi, шест USB 2.0 порти и слотови за miniSD флеш картичка и mini PCI Express.
Затоа што нема кулер, Fit-PC2 се вбројува во еден од најтивките персонални компјутери во светот. Цената на ова минијатурно компјутерче е околу 245 долари за верзијата без претходно инсталиран оперативен систем, 300 долари за верзијата со Ubuntu 8.04 и 400 долари со Windows XP.
