Коце Трајановски 103.071, Тито Петковски 61.164 гласови

Кандидатот за градоначалник на Град Скопје од Коалицијата „За подобра Македонија“ предводена од ВМРО-ДПМНЕ Коце Трајановски во вториот круг на локалните избори води со освоени 103.071 гласови пред Тито Петковски, кандидат на НСДП и СДСМ кој има 61.164 гласа. Податоците, како што истакна претседателт на Државната изборна комисија Алеклсандар Новаковски на ноќешнава прес-конференција, се за 499 избирачки места од вкупно 536, или 93,10 отсто, каде гласале 176.213 лица од вкупно запишаните 450.691 гласач.