Објавена снимка од Сузан Бојл на 22 години

Во јавноста се појави една од најраните снимки од ѕвездата на британското шоу 'Britain's Got Talent', Сузан Бојл, која е снимена уште пред 25 години. Снимката ја прикажува тогаш 22 – годишната Сузан како во клубот Motherwell FC's Fir Park ги пее песните ’The Way We Were’ и ’I don’t know how to love him.’ Снимката од младата Сузан од заборав на дневно светло повторно ја извадил Гери Мекинес, човекот кој со камера го снимил нејзиниот настап уште пред 25 години. “Таа беше толку срамежлива, но во исто време и навистина атрактивна, луѓето се вртеа по неа кога ќе влезеше во некоја просторија.“- изјавил Гери за Daily Records и додал дека тој веднаш не ја препознал Сузан кога ја видел во шоуто 'Britain's Got Talent'. “Тогаш една познајница ми се јави и ме праша дали се уште ја имам снимката. Навистина прекрасно што таа добила признание какво што заслужува. Таа е едноставно прекрасна пејачка.“- изјавил 61 – годишниот Гери.