Претставен Aston Martin One-77

Минатиот викенд на Concorso d’Eleganza, кој се одржа во хотелот Villa d’Este, на брегот на италијанското езеро Коми, претставен е првиот конечен сериски примерок на новиот супер автомобил на Aston Martin.

Станува збор за моделот кој во моментов и официјално се уште го носи кодното име One-77. Претставениот примерок наводно бил завршен два дена пред премиерата. За разлика од претходните примероци кои беа претставени на парискиот и на женевскиот саем за автомобили, овој примерок е потполно завршен, вклучувајќи го моторот како и луксузно опремениот ентериер.

One-77 е тежок околу 1.500 килограми, доаѓа со напредна суспензија, 7,3-литарски V12 со сила од 700 KS. Станува збор за модифицирана изведба на 6.0 V12 кој Aston Martin го развиваше во соработка со Cosworth.

Моторот доаѓа во комбинација со 6-степенски роботизиран секвенцијален менувач и рачки за управување кои силата ја насочуваат на задните тркала. Се проценува дека максималната брзина ќе изнесува над 320 километри на час, а за забрзување од нула до 100 километри на час ќе бидат потребни 3,5 секунди.

За овој модел беше потребно да се развијат посебни гуми, задача која ја доби Pirelli, кој го понуди моделот P Zero Corsa (предните се 255 милиметарски, додека задните се 335 милиметарски). За сопирање задолжен е сетот од карбонско-керамички дискови со напредни клешти за запирање.

За крај да истакнеме дека Aston Martin на своите купувачи ќе им понуди богат програм за индивидуализација на автомобилот, во која ќе биде вклучена можноста за прилагодување на повеќе делови од автомобилот, согласно личните желби на купувачите, почнувајќи од менувачот, суспензијата, па се до ентериерот и дизајнот на седиштата.



Автомобилот ќе се појави на пазарот кон почетокот на следната година, но според последните информации, целокупната серија е целосно продадена. Па така веројатно е подобро да кажеме дека првата испорака на купувачите, кои за овој модел издвоија 1,4 милион евр5а ќе започне кон почетокот на 2010 година.