На забите, непцата и јазикот живеат разни микроби, кои зависно од хигиената на вашата усна празнина може да бидат корисни или штетни, заклучуваат експертите во магазинот „Science“.![](http://vesti.mt.net.mk/images/usta1.jpg)
Биолозите веќе подолго време знаат дека бактериите кои се наоѓаат во устата можат да отидат и во други делови на телото и таму да предизвикаат здравствени проблеми.
Проблемите со срцето веќе се поврзуваа со една од бактериите во усната празнина, а новото истражување покажа дека една друга бактерија може да биде причина за предвремено породување.
![](http://vesti.mt.net.mk/images/82037340.jpg)
- Во устата се наоѓа еден сложен екосистем. Во изминатите 40 години, биолозите кои се занимаваат со проучување на усната празнина анализираа повеќе големи заедници на микроби кои живеат на забите, непцата и јазикот, се вели во написот на магазинот.
Штетните бактерии најмногу проблеми предизвикуваат во самата усна празнина. Доколку овие бактерии нападнат и ги победат корисните, тогаш доаѓа до создавање на кариес, крвавење на непцето и лош здив.
![](http://vesti.mt.net.mk/images/article-1113422-0308B1E1000.jpg)
Истражувачите се надеваат дека со проучување на овие бактерии ќе можат да придонесат за изработката на средство за измивање на усната празнина, кое ќе ги уништува штетните бактерии, а нема да им наштети на корисните.
Последни во оваа категорија:zdravje