Италијанско - македонски бизнис форум во Венеција

Во Венеција денеска се одржува бизнис форум на италијански и македонски компании од секторот обновливи енергии и енергетска ефикасност.

На форумот, како што соопшти организаторот Италијанската амбасада во Скопје, учествуваат повеќе од 40 компании, претежно од Североисточна Италија, а го отвори министерот без ресор Веле Самак.

Италијанската амбасада најавува дека наскоро во Скопје во нивна организација во соработка со македонските власти ќе се одржи уште еден настан од овој тип.