Професорката Џенифер Грејвс тврди дека машкиот хромозом Y полека изумира и дека би можел целосно да исчезне за пет милиони години. Но, професорката смета дека мажите би можеле да го следат примерот на некои глодари кои и понатаму успеваат да се размножуваат иако немаат витални гени кои го создаваат хромомозот Х.
Покрај ова, смета дека би можеле да се појават и нови човечки видови.
"Ако за мажи е потребен хромозомот Y, а тој исчезнува, големо прашање е што ќе се случува понатаму", вели професорката.
Микроскопска снимка на човечките хромозоми
Хромозомот Y го има генот SRY кој влијае на развојот на тестисите и пумпа машки хормони кои се заслужни за машките карактеристики.
"Луѓето не можат да се размножуваат партеногенетски, како некои гуштери, бидејќи некои гени мораат да дојдат од мажите. Но, добра вест е што одредени видови глодари го немаат хромозомот Y ниту генот SRY, но и понатаму се размножуваат. Некој друг ген ја презел неговата улога и би сакале да знаеме за кој ген се работи", вели Грејвс, професорка од Австралискиот национален универзитет во Канбера.
