Пред свадба дознала дека се мажи за порно актер

Разочарана девојка од Бристол ја откажала венчавката и прославата откако на нет открила дека нејзиниот иден сопруг е порно актер.

Дваесет и седум годишната Хејли Хокинг на денот на венчавката дознала дека нејзиниот свршеник Џејсон Брејк, инаку фитнес тренер, снимил неколку порно филмови, од кои последниот е снимен неколку недели пред венчавката.

За другата професија на Џејсон, Хејли дознала на грозен начин. Нејзината пријателка на интернет барала стриптизер за моминската вечер, кога случајно ја здогледала порно снимката на која го препознала Џејсон.

Лиса, како што се вика пријателката на Хејли, веднаш и го препратила линкот од снимката на невестата, која веднаш го препознала својот свршеник.

- После шест месеци забавување, Џејсон се пресели кај мене, но често беше отсутен вадејќи се со приватните тренинзи. Беше многу внимателен, нежен љубовник и честопати ми купуваше накит и други поклони, поради што никогаш не се посомневав во неговото отсуство, вели Хокинг.

Хејли Хокинг истакна дека венчавката дефинитивно е откажана бидејќи не може и не сака да биде во брак со некој кој игра во порно филмови.