Редовното вежбање и друштвениот контакт го намалуваат ризикот од развој на Алцхајмерова болест, препорачува германскиот институт за изучување на таа болест (AFI).Прогресивната болест на мозокот, која главно ги погодува постарите луѓе, полека ја уништува способноста за мислење и памтење. Според AFI, 30 минутно вежбање дневно го намалува ризикот од оваа болест, а старите луѓе кои посетуваат часови јога или танцување и се повеќе се дружат и стекнуваат нови познанства, исто така го намалува ризикот од Алцхајмер.
Научниците исто така ја истакнуваат важноста на исхраната и "вежбањето на мозокот". Тие утврдиле дека медитеранската исхрана е мелем за многу состојби, а "мозгањето" како играње карти, решавањето крстозбори и ребус, свирење на некој инструмент или редовно пратење на дневниот печат го чуваат мозокот од Алцхајмер. На десничарите исто така им се препорачува што почесто да ја користат левата рака, а левичарите десната. Се, само мозокот да остане што помлад.
Сподели [ 20-07-2009 ]
