Роналдо се враќа!

Некогаш најдобриот фудбалер на светот, кој денес повеќе наликува на дабар на кој му треба сериозна диета, конечно се враќа на фудбалските терени. Денес неговиот тим Коринтијанс треба да одигра натпревар против тимот на Норосоест, а Роналдо е во списокот на играчи. Поранешниот супер-талентиран фудбалер на Барселона, Реал Мадрид, Милан и Интер нема одиграно ниту еден фудбалски натпревар повеќе од една година, или да бидеме поточни - од 13 февруари 2008 на дуелот помеѓу Милан и Ливорно. Роналдо се рехабилитираше од повредата и операцијата точно една година. Стручњаците укажуваат дека Роналдо сеуште не е за потценување и потсмев, поготово после бројните шеги на сметка на неговата килажа, по што "Ел Феномено" сериозно ја сфатил работата и покажал одлични резултати и способност на тренинзите со неговиот нов клуб.