Новите XKR и XFR повторно го вратија Jaguar меѓу производителите на брутални спортски лимузини, а Британците планираат да го доградат овој статус со тоа што на своите купувачи ќе им понудат свои автомобили за тренинг и унапредување на возачките способности, односно за извлекување на максимумот од нивните лимени миленичиња.
![](http://kajgana.com/files/images1/jaguar-sodrz.jpg)
Според натписите на Autocar, Jaguar планира да започне со изградба на нови објекти за тестирање. Прва би била R Performance академијата во близина на седиштето на Aston Martin во Варвикшир, додека вториот би бил потполно нов центар, вреден преку шест милиони евра - нешто налик на Mercedes World во Бруксландс.
Цената за изучување и совладување на возачките мајстории би била вклучена во цената на автомобилот, а Jaguar за сега планира да понуди бесплатни инструкции за возачите на моделите XKR и XFR, како и сите останати R-модели кои треба да излезат во меѓувреме - додека биде завршена изградбата на објектите наменети за тренирање.