-->

Граѓаните на Македонија од јануари 2010 без визи


8 мај, (Нетпрес) - Европската организација “Европско движење за стабилност“, со седиште во Берлин, соопштила дека граѓаните на Македонија ќе патуваат без визи од јануари 2010 година.

Високиот претставник на организацијата Александра Стиглмајер, изјавила дека очекува Брисел наесен да донесе одлука за укинување на визите за граѓаните на Македонија.

“Колку што сме информирани, информациите добиени од земјите членки на Европската унија, за Македонија сигурно ќе се укинат визите. Не очекуваме некоја земја членка да го пролонгира укинувањето на визите“, рекла Стиглмајер.

Според неа во извештајот што ќе биде објавен на 18 мај, Македонија ќе се оцени како една од земјите од Западен Балкан што ги има исполнето условите за укинување на визите, пренесува “Ина“.


 

Copyright © 2009 selotejp.com