На огласот за набавка на 302 двокатни автобуси денеска до истекот на рокот во 12 часот пристигнаа понуди од турската компанија „Гулерјуз“, бугарската „Кинг Лонг“, кинеската Групација „Џенгџоу Јутонг“ и од домашната „Санос“ Доо.
Преку огласот што го распиша Министерството за транспорт и врски, се бара набавка на 300 двокатни автобуси од затворен тип и два двокатни автобуси од отворен тип за градски сообраќај.
- Во следниот период Комисијата за спроведување на јавната набавка ќе изврши преглед на комплетноста и валидноста на доставената документација, како и евалуација на пристигнатите понуди, согласно критериумите во јавниот оглас, по што ќе донесе одлука за избор на најповолен понудувач, соопшти Министерството за транспорт и врски.
