Светската здравствена организација (СЗО) соопшти дека бројот на потврдени случаи од грипот А (H1N1) во светот достигна 6.497 лица, од кои 65 починаа.
Болеста е регистрирана во вкупно 33 земји во светот.
Во САД има 3.352 лабораториски потврдени случаи, од кои тројца со фатален крај, во Мексико има 2.446 заболени, од кои 60 се починати, а во Канада 389 заболени, од кои еден смртен случај.
Во Европа најмногу инфицирани со вирусот H1N1 има во Шпанија (100 лица) и во Велика Британија, каде има потврдени 71 случај.
Според податоците на руските власти во Руската федерација не е регистриран ниту еден случај на заболен од оваа болест.
