Добриот холестерол помага при мултипла склероза

Високото ниво на таканаречениот „добар“ холестерол (HDL) може да го намали инвалидитетот кој го предизвикува мултипла склерозата, тврдат американските научниците од универзитетот во Њујорк.

HDL има антивоспалителни својства и може да помогне во лечењето на мултипла склерозата, болест која се карактеризира со хроничен воспалителен процес, објаснуваат научниците.

Авторот на студијата др. Бјанка Вејнсток Гатман вели дека заболените од мултипла склероза треба да проверат какво им е нивото на HDL холестеролот и во случај да е низок, да се обидат да го зголемат со промена на исхраната и медицинските средства, на пример со земање статини и омега-3 препарати, кои го зголемуваат нивото на HDL-от.

Тврдењата на американските научници се темелат врз резултатите од анализата на клиничките и демографските податоци, како и податоците за нивото на HDL кај 186 заболени од мултипла склероза на возраст од околу 50 години.

На почетокот на студијата, кај речиси 20 отсто од испитаниците забележано е ниско ниво на HDL холестерол, додека кај близу 50 отсто од испитаниците добриот холестерол бил висок. За време на шестгодишното испитување, станала очигледно врската меѓу нивото на добриот холестерол и степенот на физичка онеспособеност на пациентите.

Утврдено е дека нивото на HDL холестерол кај пациентите со најголем степен онеспособеност било двапати пониско, отколку кај лицата кои во помала мера биле физички онеспособени.

Американскиот научен тим сепак вели дека се потребни дополнителни испитувања за попрецизно да се утврди врската меѓу нивото на HDL холестеролот и ивалидитетот кај болните од мултипла склероза.

HDL холестеролот, освен што ги спречува кардиоваскуларните болести, корисен е и за превенција на хроничните воспаленија. Според прелиминарните анализи, користењето на статини и омега-3 препарати позитивно се одразува врз здравјето на болните од мултипла склероза, нагласува др. Вејнсток-Гатман.