PeeWee Pivot Tablet Laptop е компјутер направен по примерот на Intel-овиот Classmate PC, а е наменет за деца на возраст од три до 10 години. Куќиштето на лаптопот е отпорно на удари и водоотпорно.
Екранот може да се заврти за 180 степени и на тој начин компјутерот станува tablet. Спецификациите на PeeWee се исто како на типичниот netbook – вграден е 1,6-гигахерцен Intel Atom процесор, хард диск со капацитет од 60 GB, 1GB работна меморија и 1,3-мегапикселна веб камера.
PeeWee доаѓа со 8,9 инчен екран осетлив на допир, со резолуција од 1.024 x 600 пиксели и е одличен за директно „цртање“ по екранот или за препознавање ракопис. Кога станува збор за софтверот, PeeWee доаѓа со Windows XP Home, Microsoft Works 9.0, PeeWee PC Security Suite и други програми наменети за деца. Цената на PeeWee на американскиот пазар изнесува 600 долари.
