Windows Mobile 6.5 конечно готов

Работата на новата верзија на Windows Mobile 6.5 конечно е завршена, известија од Windows Mobile Developers Team преку нивниот апдејт на Twitter. Ова нормално не значи дека телефоните кои работат на овој оперативен систем ќе можат веднаш да се купат - првите модели се очекуваат дури на есен, ниту пак дека своите уреди ќе можеме веднаш да ги надградиме на оваа верзија, туку ќе мора уште малку да почекаме производителите да издадат надградба за моменталната верзија 6.1.

Инаку, Windows Mobile 6.5 не носи некои револуционерни промени во самиот оперативен систем, а промените претеќно се однесуваат на корисничкиот интерфејс и подобрена поддршка за екраните на допир.

Во Microsoft веќе работат на наредната верзија на овој мобилен ОС - седумката, кој можеме да го очекуваме во првата половина од 2010 година.