Девојче фатило сом од 100 килограми

Цели 100 килограми тежок сом е фатен со јадица од страна на малата 11 годишна Џесика Вантсал од британското место Ситингбурн, а борбата со овој слатководен ѕвер траела цели 20 минути.

Нејзиниот рекорден улов, со вкупна должина од три метри, а при "борбата" со рибата чудовиште и помагал нејзиниот татко Марк, кој реагирал во последен момент, за да го задржи девојчето на брегот и да не повлече сомот со себе во водата. - Не можев да сфатам колку е голема рибата, се додека не ги видов фотографиите кои ги направивме. Се чувствував толку мала покрај неа, изјави Џесика.

-Џесика вообичаено лови ситна риба, иако знаевме дека во реката има и сомови, изјави нејзиниот татко Марк. -Кога видовме колку е голема рибата уште на површината на водата, ни изгледаше како чудовиштето од Лох Нес, додаде нејзиниот татко и заклучи колку е горд на нејзината ќерка. На крајот изјави колку лесно можело сето ова да има последици, односно сомот неа да ја проголта, што не е за чудење ако се земе предвид неговата големина на сликата.

Сподели                                                                                                                 [ 16-07-2009 ]